台酒鍋 (已結業)

店內共提供四個套餐，揀選咗Level2，豬牛羊樣樣齊，有多款台灣小食，亦可到自助食物區提取多款火鍋配料，必定夠食，而且還能吃到飽。鴛鴦湯底(蕃茄湯和人參雞湯)，蕃茄湯酸酸甜甜，非常開胃，內裏有什菌/粟米，屬清甜的湯底。人蔘雞湯帶有點點藥材味，兩大支人蔘在內真材實料。自助區食物已經分門別類擺放好，提供多種時令蔬菜/丸類/瓜類…有一些較特別的食材，如:墨汁腸/台灣血糕等。等水滾就可以開動喇!這個餐提供的火鍋牛片個人覺得不錯，牛片厚薄度適中食落有咬口，色澤紅潤，是新鮮的，肉片亦有油花，絕不柴頭。 羊片 有適量嘅騷味，可以接受， 食羊就是要吃那羊騷味。牛胸爽個人很喜歡，很少任吃火鍋放題店會有得提供，平時單點就咁叫一碟都好貴，口感很爽脆，重牛味。不得不提巨型蟹柳，蟹柳吸收曬湯底嘅味道，食落有爆汁效果。水餃類 外層厚薄度適中，唔會食到成口粉，餡料豐富飽滿。台灣小食 有鹽酥雞/甜不辣/芋圓球/榴槤波波/炸蕃薯條…全部小吃都是即叫即整熱辣辣的，炸蕃薯條香脆甘甜，吃得停不下口。甜不辣 雖然我唔知係乜嘢材料做的，但係口感卻很好，有點像煎魚餅。