彩福皇宴 (京瑞廣場1期)

營業中

休息中

幾個人最啱去食啲小菜，可以叫唔同款式一齊share嚟食。彩福喺香港有好多分店，九龍區好多間都試過，咁啱見到石門嘅京瑞廣場入面都有一間彩福皇宴，見到咁多人食我哋都唔執輸。隨即職員就帶我地入去坐一張大圓枱，途中經過見到其他食客枱上面嘅小菜非常吸引！已經垂涎三尺！當然唔少得開一壺我最鍾意嘅普洱茶，一邊飲一邊揀嘢食。見到餐牌咁多款式咁多選擇，而且圖文並茂，一口氣我哋就叫咗幾款小菜。媽咪鍾意食脆皮南乳雞，我哋叫咗一隻三大一小食，連我個姪仔都話雞皮好脆，不斷要搶住食🙈。女士們咁貪靚當然唔少得要食魚，經過店員推介之下就order左清蒸沙巴龍躉斑同埋剁椒茄子蒸斑頭腩。龍躉斑終於等到佢了，烹調時間真的剛剛好，食落去魚肉唔會太老，反而係好滑溜，恰到好處。唔好睇剁椒茄子蒸斑頭腩咁多辣椒，其實食落去唔算太辣，反而好滋味。我就比較喜歡食香口海鮮，特別係椒鹽，隨即叫咗兩隻椒鹽鮑魚，估唔到又整得幾入味，好食。仲有送飯一流嘅大良炒桃姿帶子同埋翠玉瓜惹味燒汁蝦球，最後我食咗兩碗飯，好飽好滿足！估唔到叫咗差不多有五六個餸菜，仲要幾乎食唔晒要打包走，價錢都只係$800有找，難怪咁多一家大細情侶幫襯啦。