更多
2021-05-30
3155 瀏覽
最近都愛上左食火鍋,而旺角都有幾間出名嘅火鍋店。今次我就試吓牛氣呢一間餐廳,我叫咗最貴嘅極上澳洲和牛餐。首先講吓佢個餐,咁佢除咗有極上澳洲和牛之外,仲有極上美國牛小排,兩種牛肉都真係超級唔錯,極上澳洲和牛更加係廚師即時切出來。脂肪分布平均,超重牛肉味。放入湯15秒就食得,超級嫩滑。另外套餐仲有包含特選豚肉,同埋精選雞腿肉。其實佢嘅豬同雞都係唔錯嘅,但當然冇牛肉咁高質啦。餐入邊仲有包含咗海鮮,有蟹腳,青口,海蝦,東風螺,墨魚滑等等。海鮮都算新鮮,海蝦都係彈牙嘅,個人就麻麻哋蟹腳打邊爐,可能感覺太麻煩,都係鍾意食刺身嘅比較多。
張貼