影片
更多
2025-05-15
0 瀏覽
燒烤堂絕對係我同朋友嘅聚會聖地！去過超過5 次，回頭率極高，每次去都充滿驚喜，無論係食物嘅創意定係味道都令人回味無窮！今日同朋友聚會我又帶咗佢哋嚟~講到必食，首推佢哋嘅燒芝士年糕，外皮烤得微微焦脆，芝士控必食！成碗芝士比你！一咬落去 煙煙靭靭，年糕都可以拉絲嘅感覺！，個感覺真係令人上癮！仲有蜜糖燒菠蘿，表面燒到金黃帶焦糖香，入口卻依然多汁清甜，完美中和燒烤嘅油膩感。 如果你鍾意濃味，一定要試孜然燒蒜蓉茄子！茄子烤到軟嫩，鋪滿蒜蓉同孜然，香氣撲鼻，食落惹味非常。另外七味汁燒豬大腸都係我嘅心頭好，大腸外皮脆卜卜，內裡保留少少脂肪，加微辣，食落超級過癮！ 佢哋嘅串燒配搭好有心思，好似鹽燒豚肉荔枝卷，豚肉嘅鹹香包住清甜多汁嘅荔枝，味道出奇地夾！仲有孜然豚肉韭菜花卷，韭菜花嘅爽脆同豚肉嘅油脂平衡得剛剛好，加上孜然嘅香氣，食完一串想再encore！ 除咗串燒，之前就試過佢哋嘅鰻魚炒飯，而佢哋胡麻醬稻庭冷烏冬都值得一試，烏冬彈牙爽滑，麻醬香濃但唔會太膩，夏天食好清爽。飲品方面，即打芒果乳酸同即打菠蘿乳酸都係必點，果肉打得細碎，酸甜冰涼，同燒烤簡直係絕配！ 最欣賞佢哋每張枱都有個小炭爐，可以自己將食物
講到必食，首推佢哋嘅燒芝士年糕，外皮烤得微微焦脆，芝士控必食！成碗芝士比你！一咬落去 煙煙靭靭，年糕都可以拉絲嘅感覺！
，個感覺真係令人上癮！仲有蜜糖燒菠蘿，表面燒到金黃帶焦糖香，入口卻依然多汁清甜，完美中和燒烤嘅油膩感。
如果你鍾意濃味，一定要試孜然燒蒜蓉茄子！茄子烤到軟嫩，鋪滿蒜蓉同孜然，香氣撲鼻，食落惹味非常。另外七味汁燒豬大腸都係我嘅心頭好，大腸外皮脆卜卜，內裡保留少少脂肪，加微辣，食落超級過癮！
佢哋嘅串燒配搭好有心思，好似鹽燒豚肉荔枝卷，豚肉嘅鹹香包住清甜多汁嘅荔枝，味道出奇地夾！仲有孜然豚肉韭菜花卷，韭菜花嘅爽脆同豚肉嘅油脂平衡得剛剛好，加上孜然嘅香氣，食完一串想再encore！
除咗串燒，之前就試過佢哋嘅鰻魚炒飯，而佢哋胡麻醬稻庭冷烏冬都值得一試，烏冬彈牙爽滑，麻醬香濃但唔會太膩，夏天食好清爽。
飲品方面，即打芒果乳酸同即打菠蘿乳酸都係必點，果肉打得細碎，酸甜冰涼，同燒烤簡直係絕配！
最欣賞佢哋每張枱都有個小炭爐，可以自己將食物放上去保溫，慢慢傾計慢慢食都唔怕凍晒，保溫後風味更濃郁，真係好細心！
張貼
