喜來稀肉 (登龍街)

營業中

休息中

喜來稀肉一向都係我嘅韓燒之選，鍾意佢口味正宗，舖頭入邊有不少韓國店員，有啲韓國同事都會走來食。今次嚟食叫叫咗三款食物，護心肉（豬）$158，呢個部位非常特別，夠肉味，比較唔會韌，又唔會太肥，醃料非常入味，唔需要點醬汁都得，用生菜包住嚟食一流！仲有點左調味醬油雞肉$110，佢係一塊大雞扒咁樣上嚟，厚薄適中，本身醃料都非常入味，甜甜地咁，非常值得推介！另外，叫咗一個蔘雞湯$125，有一整隻雞，入面仲釀咗糯米，好飽肚㗎～附送嘅韓式小菜款式都多，食完可以再加添！爐邊蛋又係我嘅最愛之一，有兩款口味，一款係蕃茄另外一款係芝士，真係食完又想再食！