嘉華餐室

營業中

休息中

接個朋友收工，順便係佢屋企附近食埋飯，見到呢間新開茶記，裝修得幾光猛闊落，就食呢度啦。好，坐低睇吓有咩好食先。酸辣豬扒米線，大大塊豬扒，煎得唔錯，夠腍，酸辣味道適中。老壇酸菜魚米線，茶記都有酸菜魚食，仲要好平，48蚊咋，個魚都幾滑又冇骨，而且份量都ok！特色蝦多士，呢個有驚喜，炸得超脆身，表面炸粉好薄，蝦肉彈牙，中間仲有岩漿芝士，真係要試下。菠蘿油，呢度仲有各式包點，好耐冇食菠蘿油，個包包脹卜卜好豐滿，仲有香滑牛油，正！食茶記點少得紅豆冰，仲有呢個雪山脆米朱古力，都係好好飲，非常滿足。