嘉華餐室

今日同朋友行山去良景邨上大峽谷，之後落返嚟良景邨食嘢，發現Lee度好味茶餐廳，唔係咁多茶餐廳有自家製麵包，食咗佢個叉燒包都幾好味！主要係啲麵包質地好食,五香肉丁煎蛋麵，啲面煮得夠爽口!奶茶亦都好有茶味，好飲的!下次去開Lee頭都會再食!…查看更多

香港屯門有個吃海鮮好去處，在良景市集入面的環球水產，海產類款式非常齊全，選購新鮮海鮮，然後隔離間嘉華餐室加工+享用🤤可以傾下點樣烹調，唔使自己煮，夠晒方便👌🏻好豐富的海鮮大餐🌊新鮮又美味🤤炒海鮮十足🔥清蒸松葉蟹好鮮🦀波士頓龍蝦好彈牙！上面有芝士，幾邪惡！炒蟹好惹味同豉椒炒蜆都好惹味！蒜蓉粉絲蒸扇貝都高質！餐廳仲有其他人氣鑊氣小菜🔥例如雞煲、蜜椒牛柳粒，好味！仲有大大杯嘅桶裝檸檬茶，指定啤酒做緊買一送一！…查看更多

聽講屯門有間餐廳做緊海鮮半價加工優惠，北角人都要專登去實測下，睇下有無伏！我地搭輕鐵去到屯門嘅良景站，餐廳就係站嘅隔離，要試海鮮加工緊係要有海鮮先，係餐廳隔離個良景市集就有一間好大間嘅海鮮檔，超多海鮮種類，有鮑魚、海蝦、貝類、蟹、花甲、龍蝦、長腳蟹、東風螺等等，全部都好新鮮生猛，係街市買海鮮明碼實價，完全唔洗驚俾人劏。最後我就買咗1斤花甲王、1斤花竹蝦同埋1隻波士頓龍蝦，之後就去咗餐廳加工，有蒸、炒、煮、炸等多款煮法，價錢公開，決定好煮法就同店員溝通。價格參考:豉椒炒花甲王（1斤）（$58）加工價$45/斤豉油王炒蝦（1斤）（$108/斤）加工價$45/斤上湯焗波士頓龍蝦（1隻）（$158/隻）加工價$50/斤等咗15分鐘左右，海鮮就開始上枱喇！豉油王花竹蝦，炸到啲蝦殼好脆，豉油汁濃郁入味，蝦肉爽口。豉椒炒花甲王，1斤估唔到咁大碟，完全唔覺得有偷工減料，花甲鮮甜，鑊氣十足，香辣惹味。上湯焗波士頓龍蝦開邊啖啖肉，肉質彈牙，蝦肉索晒啲湯汁，真係超正！最後埋單記得用張半價coupon，原本加工費要$140，而家$70就搞掂，真係抵到無人信，coupon淨係可以平日17:00後使用，優惠到9月30日，趁有優惠真係要黎食多幾次先得喇！…查看更多

今次去咗良景市集環球海產自己揀海鮮，再帶去隔離嘉華餐室加工，方便又新鮮！流程好簡單，先係市集揀靚海鮮，款式多到唔駛驚揀唔到心水，揀完即刻拎去嘉華餐室加工，價錢好親民。今次試咗幾款： ✅陳皮蒸鮑魚（$50/6隻）＋加工$60＝$110，鮑魚蒸到入口柔軟，陳皮香微甘，好開胃； ✅豉椒炒沙蜆（$36/斤）＋加工$45＝$81，豉椒味濃，沙蜆鮮甜彈牙，好吸引； ✅芝士焗波士頓龍蝦2隻（$158隻）＋加工$80／斤＋米粉底$25＝$421，龍蝦肉厚彈牙，芝士香濃creamy，米粉底又有另一番享受； ✅白灼大頭蝦（$98/斤）＋加工$30＝$128，蝦肉嫩滑鮮甜，好正。餐室環境乾淨舒服，加工價錢合理，唔想自己煮又想食靚海鮮，以後可以過嚟唔洗煩…查看更多

今日嚟到屋村嘅地方去食嘢，上次因為食咗個乾炒牛河口感麻麻，所以今次嚟試吓第二度嘅乾炒牛河。雖然呢間冰室乾炒牛河口感係OK，因為佢炒得唔會濕粒粒咁樣，不過最重要嘅係價錢的確比較貴，佢嘅價錢係拍得上喺市區嘅茶餐廳，呢個係意想不到嘅。講返食物先，乾炒牛河炒完之後嘅製成品係乾身，所以第一件事佢係合格嘅，而且味道方面每一條嘅河粉都佔有咗豉油嘅顏色，味道亦都夠嘅，嘅份量亦都算係適中，所以總括而言，呢一個餐係合格嘅分數，不過就比較貴啦…查看更多

成日都去呢度食嘢，有時候喺堂食，有時就會叫外賣攞返屋企食，嘢食質素同埋份量都好足夠，唯獨係短頭髮收銀嗰個嘅態度驚人，入去食嘢俾錢好似爭佢錢咁😂 大家可以感受吓😂…查看更多

外賣平台叫咗餐廳推介半隻海南雞 發現冇比醬汁 打去反映 其實由頭到尾都冇諗住要任何賠償或要求 只係想同餐廳反映 點之換來一句態度非常惡劣：「咁你而家想點？」唔講仲以為我錯 食物質素還可以 聽電話嗰位小姐態度真係不敢恭維…查看更多

幫襯此店主要原因是就腳，近輕鐵及巴士總站方便極了，前幾次光顧貪佢套餐平及料多，可惜今非昔比大不如前了。兩餸(B款)套餐$148包兩飯、湯及兩飲品算區内一絕，不要給照片騙了其實兩餸中的肉量比以前最初竟少了一半，豉汁凉瓜炒牛肉的凉瓜很爽不苦，可是嫩滑的牛肉聊聊可數就大刹風景，而咕噜肉亦不像樣非很好的肉部位，有多夥則比較細和乾，三色椒卻是較多，整餐三人吃菜多肉少算健康但不豐盛，靠大碗飯填飽空虛吧。其實我不介意寧願多付十至二十元給此店保持套餐水準，可惜店子卻選擇了降低水準這條不歸路，睇黎一眾街坊未來一定會大减幫襯此店的次數呢。…查看更多

今日嚟到良景試下呢間係輕鐵站旁邊嘅茶餐廳食早餐入面好大，好多卡位坐冷氣夠涼爽👍🏻Order左個自選麵餐 $37沙嗲牛肉配太陽蛋麵 熱奶茶沙嗲牛肉勁多汁，牛肉唔會靭牛肉都好多舊，麵似大光麵質感湯底濃郁，唔錯熱奶茶順滑入口，唔會太重茶澀味Ok 幾好總結：$37 CP值ok, 份量都多，價錢適中，座位舒服，多卡位座位，已經枱與枱之間唔會太迫夾，下次可以帶小朋友嚟食，易搵位又坐得舒服，重點唔會係咁收野趕你走😂…查看更多

今日約左friend入屯門午餐，落大雨就搵D 吾使開遮的商場，佢話哩間下午茶個包幾好，之後睇埋openrice都話正，改善點- 但個人感覺系性價比低的午餐，亦或者系無乜入屯門食飯掛，但食完行埋商場裡面的其他餐廳，哩度午餐比其他同區貴15%左右。- 以海南雞飯價錢比較，真系同好多一哥雞仔等價錢都差不多，但質量差好多- 睇住隔離卡位頂冷氣系咁滴水。睇完個午餐餐牌，全部都60幾蚊，午餐來講都算貴，最慘系吾多野選擇，最後我同朋友都唯有選擇海南雞飯。海南雞（2分）- 一碟系肶，一碟系胸，睇落肶果碟以為幾滑，但雞肉食落比較靱，無乜雞味，雞系比較肥，所以油脂都比較厚，但幾爽,咁價錢我當然同雞仔，柏檔等比較啦！真系差好遠。油飯（3分）- OK啦！咖啡（2分）- 有苦味無香味檸檬水（2分）- 朋友話好”嬲”喉。…查看更多

兩個人行完菠蘿山，補充一下體力，就叫了臘味炒芥蘭苗，好有鍋氣，香噴噴，臘肉一流，有口感，肥瘦恰到好處，臘腸太多肥肉，不是好材料，芥蘭苗新鮮、脆口，加上略蕉的菇，十分香氣撲鼻⋯⋯令人一再回味霸王雞有薑絲、辣椒🌶️，但不辣，我喜歡個醬汁，雞半肥瘦，偏滑。湯係老火湯，雞腳花生湯，無落味精，似媽媽煲咁，加上咸柑桔水好大個咸柑桔，不是超市一匙柑桔醬，值得一讚我地坐卡位，全場卡位，加爆分！埋單$185，正呀！唔叫雞，埋單$152😂🤣…查看更多

"🤣我就覺得好吃昧🙄，所以又跑來包場了😆有看到油油亮亮的那道光嗎！可以舉手跟我說🤣 #紅圖脆皮烤雞 也太脆皮了吧！師傅很膩害耶😋再推一道 #松阪豬豬炒河粉 夭壽賀甲😆#西施香米粥 要預訂喔！尤其是加上師傅自己炒的 #辣椒，哇靠！天靈蓋再次打開🤣🤣#一定要跟服務員要辣椒喔！🤭🤭==============================嘉华餐室屯门田景路31号良景广场良景街市地下LK1号舖…查看更多

屋邨仔有間超水準茶餐廳食物好大眾化選擇亦好多！長期都好多人。下午2點半有下午茶未食早餐選了迷李楊洲炒飯配飲品雖然說迷李但1個人份量真的不少好難想像正常午市／晚市應該份量多少人吃？楊洲炒飯好有鑊氣.色香味俱全蝦仁好爽口.又很多粒飯粒乾身.蛋液好香蛋味.金黃色真的好有水準。真的有酒樓師傅感覺！蔥花叉燒粒樣樣齊！無偷工減料先 味道剛剛好喊，越食越喜歡！檸檬茶顏色好深.紅茶好香茶味。檸檬又厚又多.碎冰都份量剛好!下午茶完全經濟高質，滿分！…查看更多

在裡面還聽到火爐的轟轟聲！這就對了！對我來說簡直是ASMR啊！😍⁡🍽咖哩綜合咖哩不死咸蘿蔔沒有太多渣豬血也沒有一夾就散！不會失敗😂😂推薦喜歡清湯感又喜歡吃港式咖哩的朋友來吃⁡🍽雪菜肉絲炆米粉如果說菠蘿包跟奶油是絕配那我敢說！米粉的絕配就是雪菜肉絲！！🤙🏻不輪是湯米還是炆米！一樣💯💯鑫華的炆米算蠻乾身的，值得推薦👍🏼…查看更多

喺領展商場入面，竟然搵到有一間幾好食嘅茶餐廳！佢最抵食嘅午餐係……紅豆冰加菠蘿油… 只係$25 ！ ！ ！而且做得非常優秀……紅豆軟硬適中，應該是自己煮的……成杯嘢飲，沒有太甜…… 十分不錯！菠蘿油……牛油最緊要又大又厚……呢間茶餐廳，就完全做到……而且，菠蘿包脆面，亦恰如其分！仲食咗佢個海南雞飯……唔算係正宗……不過，飯有香茅味，雞滑到不得了……不足的是，雞皮太厚……而且醬料上面，除咗甜豉油和薑蓉，竟然仲有泰式雞醬……呢間茶餐廳，出名豬扒包……的確做得唔錯，豬扒比較厚，但是味道只屬正常…… $36蚊一個，我覺得，冇菠蘿油咁抵食！整體來講，佢對得住領展有餘……亦係一間可以再幫襯的茶記！…查看更多