影片
更多
2024-01-19
111 瀏覽
👩🏻成日聽人講牛站好正，終於約人去試下。今次食嘅係SRF美國極黑和牛片120分鐘放題，星期一至四每位$298。自助區亮點⭐️任食杯裝Haagen Dazs，當日係芒果🥭同埋cookie n cream⭐️杯裝波霸珍珠奶茶⭐️軟雪糕機⭐️任飲清酒⭐️任食仙草芋圓⭐️啤酒款式特別多⭐️蔬菜款式特別多甜品類款式幾多，兩個人都好難試晒全部🤣。仙草芋圓係甜品鋪質素，忍唔住食多杯。👩🏻飲慣走糖嘅珍奶🧋所以今次冇試到。今次寧願飲啤酒，因為有Asahi extra dry😍。酒精飲品明顯比其他放題鋪多（當日有七款），又唔會得雪花啤/Jolly Shandy。火鍋湯底有9款。我哋揀咗冬瓜瑤柱豬骨鍋。味道清甜，雖然好多瑤柱但味道唔出。所以建議叫多少少海鮮煮多陣。肉類方面我哋只係試咗「美國極黑和牛SRF」、「美國安格斯牛板腱」。極黑和牛嫩好多，牛板腱個別會比較瘦，瘦到有啲嚡😆。海鮮質素正常，墨魚滑望落唔靚但真係幾好食🤫。任食熟食嚟講芝麻雞翼好食，啱啱炸起好脆好多汁。👦🏻覺得乳鴿麻麻。自助區仲有鹹飯同肉羹呢類台灣嘢。目測鹹飯幾靚同正宗。整體嚟講款式好多，同埋偏向台式風格。上菜速度算快，120分鐘夠食嘅。
👩🏻成日聽人講牛站好正，終於約人去試下。今次食嘅係SRF美國極黑和牛片120分鐘放題，星期一至四每位$298。
自助區亮點
⭐️任食杯裝Haagen Dazs，當日係芒果🥭同埋cookie n cream
⭐️杯裝波霸珍珠奶茶
⭐️軟雪糕機
⭐️任飲清酒
⭐️任食仙草芋圓
⭐️啤酒款式特別多
⭐️蔬菜款式特別多
甜品類款式幾多，兩個人都好難試晒全部🤣。仙草芋圓係甜品鋪質素，忍唔住食多杯。
👩🏻飲慣走糖嘅珍奶🧋所以今次冇試到。今次寧願飲啤酒，因為有Asahi extra dry😍。酒精飲品明顯比其他放題鋪多（當日有七款），又唔會得雪花啤/Jolly Shandy。
火鍋湯底有9款。我哋揀咗冬瓜瑤柱豬骨鍋。味道清甜，雖然好多瑤柱但味道唔出。所以建議叫多少少海鮮煮多陣。
肉類方面我哋只係試咗「美國極黑和牛SRF」、「美國安格斯牛板腱」。極黑和牛嫩好多，牛板腱個別會比較瘦，瘦到有啲嚡😆。海鮮質素正常，墨魚滑望落唔靚但真係幾好食🤫。任食熟食嚟講芝麻雞翼好食，啱啱炸起好脆好多汁。👦🏻覺得乳鴿麻麻。
自助區仲有鹹飯同肉羹呢類台灣嘢。目測鹹飯幾靚同正宗。
整體嚟講款式好多，同埋偏向台式風格。上菜速度算快，120分鐘夠食嘅。
張貼
