影片
更多
2025-06-14
337 瀏覽
今次有朋友約我地出去食飯話想見下BB，就揀左地點幾方便既D2 Place食飯，佢好近地鐵站，又多選擇，我地最後揀左間日式餐廳😄餐廳坐位幾舒服，有卡位，有梳化位，仲有d熊貓裝飾，店員見到我地帶左BB特登揀張有熊貓公仔係隔離既卡位比我地，又主動提供小朋友餐具，服務周到☺️海鮮四色茶漬飯（$148）呢度既晚餐有小量前菜，茶漬飯比較特別，有得揀鰹魚昆布湯，或者香濃蝦湯，呢個我揀左鰹魚湯，味道清甜，熱辣辣既湯淋上刺身會有少少熟左既感覺，可以按自己喜好分開刺身先加湯，刺身亦都新鮮，有我最鐘意既三文魚籽🍣🍚蒲燒鰻魚茶漬飯（$138）蒲燒鰻魚茶漬飯我地就揀左香濃蝦湯，蝦湯鮮味比較出，鰻魚都燒得幾香🍚牛肉壽喜燒定食（$138）呢個定食會跟一碗麵豉湯，牛肉份量都ok，仲有跟一隻溫泉飯撈飯，壽喜燒汁夠多，令到牛肉夠入味，牛肉選用冇乜肥既部位🍱炸牛肉薯餅（$15）炸南瓜餅（$15）跟餐可以追加小食，兩款炸餅都係即炸熱辣辣，南瓜蓉同牛肉薯蓉各有特色，兩款炸餅都好食😋和風炸雞盛合（$42）呢個和風炸雞盛合包括有雞件同雞全翼，雞翼係平時放題店食得多既芝麻雞翼，質素比放題好食，皮夠脆，雞件亦都唔錯🐥紅葉甘之三味（抹茶提
餐廳坐位幾舒服，有卡位，有梳化位，仲有d熊貓裝飾，店員見到我地帶左BB特登揀張有熊貓公仔係隔離既卡位比我地，又主動提供小朋友餐具，服務周到☺️
海鮮四色茶漬飯（$148）
呢度既晚餐有小量前菜，茶漬飯比較特別，有得揀鰹魚昆布湯，或者香濃蝦湯，呢個我揀左鰹魚湯，味道清甜，熱辣辣既湯淋上刺身會有少少熟左既感覺，可以按自己喜好分開刺身先加湯，刺身亦都新鮮，有我最鐘意既三文魚籽🍣🍚
蒲燒鰻魚茶漬飯（$138）
蒲燒鰻魚茶漬飯我地就揀左香濃蝦湯，蝦湯鮮味比較出，鰻魚都燒得幾香🍚
牛肉壽喜燒定食（$138）
呢個定食會跟一碗麵豉湯，牛肉份量都ok，仲有跟一隻溫泉飯撈飯，壽喜燒汁夠多，令到牛肉夠入味，牛肉選用冇乜肥既部位🍱
炸牛肉薯餅（$15）
炸南瓜餅（$15）
跟餐可以追加小食，兩款炸餅都係即炸熱辣辣，南瓜蓉同牛肉薯蓉各有特色，兩款炸餅都好食😋
和風炸雞盛合（$42）
呢個和風炸雞盛合包括有雞件同雞全翼，雞翼係平時放題店食得多既芝麻雞翼，質素比放題好食，皮夠脆，雞件亦都唔錯🐥
紅葉甘之三味（抹茶提拉米蘇）（$88）
呢個甜品非常豐富，首先一份哈蜜瓜雪糕，香濃哈蜜瓜味又軟滑，重點既抹茶提拉米蘇亦都好食，抹茶味夠，底下既cream唔同蛋糕夠鬆軟，最好一份春色牛奶布甸亦都好香滑，勁高性價比既甜品set，我覺得係必點既食物🥰
鎌倉紅葉茶屋特製軟雪糕芭菲（$75）
呢個雪糕芭菲都好大杯，白玉，脆脆，cream，全部都好足料，雪糕係哈蜜瓜味，充滿豐富口感既甜品🍦
呢間餐廳價錢合理，甜品我覺得係比較抵食，特別係甘之三味樣樣正，主菜保持應有日式餐廳既水準，而且款式多，刺身飯同定食都有，就算有人唔食生野都一樣冇問題，幾適合聚會食，有主食又有甜品，慢慢傾計食餐飯一流👍🏻
張貼
