四寶食堂 (華凱大廈)

營業中

休息中

同事介紹話北角四寶食堂嘅水門雞好正，今晚咁啱去北角辦點事，一於叫埋老公同阿女過嚟食飯。餐廳設計溫和舒適，環境乾淨衛生，侍應招呼周到。主食可加$28升級套餐，有養生燉湯和米飯一碗。拔道腩水門雞半隻：雞件皮薄爽滑，雞味濃郁且嫩滑，配上特別調製的醬汁更美味！豉汁金菇蒸白鱔：白鱔肥美甘香，豉汁味道調配得啱啱好不會過濃，沒有蓋過白鱔的鮮甜，鱔肉爽口，金菇吸收到豉汁和白鱔的鮮甜味，口感爽脆又惹味！星加坡黑醬油胡椒粉絲大蝦煲，大蝦大隻又高質，加埋黑醬油食落甜甜哋，口感紮實味道鮮美，吸收蝦油香氣的粉絲爽口惹味，啖啖都有胡椒香味。經典肉絲兩面黃，首先將麪條的兩面都炸成金黃色，餡汁另上，用咗肉絲、韭黃、香菇等做成的餡汁慢慢穿過了麵餅的縫隙，滲透到麵條裏，口感酥脆，還帶著軟香，麵條與材料和醬汁拌勻，味道又香又可口。養生燉湯足料夠火喉，香甜清潤西多士：用上兩塊厚方包來做，中間還夾有花生醬餡，炸至金黃色，加上牛油和糖漿，極之美味！凍檸茶和凍咖啡，夠濃夠味夠凍。