渡邊屋

營業中

休息中

渡邊屋壽司店真係好易搵，正正就開係街市隔離一、兩條街，又係係九龍城中間條大街度，買完壽司再去買餸返去打邊壚，時間岩岩好。選擇都幾多，平時壽司鋪有的，佢地都有當然，最緊要緊係要有我鐘意食個D啦。買咗甘多都係$200，店主仲好好，送多一件帆立貝俾我，甘我就可以帶住兩盒滿滿的壽司返去交代啦有三文魚，甜蝦，赤貝，魷魚，都係我鐘意食的,因為都係我落order架嘛第一次黎九龍城買壽司，感覺良好，原來都幾大件，大大件，食落都有口感的，甘先知道自己食緊咩，仲有都幾新鮮，又幾鮮甜。左邊數起有希靈魚，北寄貝，帆立貝，吞拿魚，D人話，魚生新吾新鮮，一睇顏色就知，所以，今次我就有帶眼「識魚」啦。P.S. 屋企人都覺得吾錯。諗起，依家真係越黎越少即時新鮮製造的壽司啦，原來，店員叫我去附近行15分鐘再轉頭番去，係佢要即時入廚房整俾我無意係門口一角發現個牌仔，仲有學生餐，學生lunch又多一個選擇啦點解我當年冇的，哈哈，有都冇用我間學校lunch係吾放出去食架。