餃掂手工餃子雲吞專門店

由於禁咗晚市堂食 鐘意食餃子既我只好外賣自取自己最愛既餃子返屋企慢慢食 去咗自己食開既餃掂 嗌咗一份十隻既餃子同兩個小食 一於黎個一個人既浪漫🥰🥰🥰餃子簡咗至尊松茸豬肉湯餃 其實自己一直都幾鐘意食餃掂既餃🥟 因為除咗足料皮薄 松茸加入咗係豬肉度 唔會太單調 仲覺得個狀元九鼎湯 幾清甜 鮮而不淡 湯由豬肉赤小豆粉葛等配料煲製 主打無添加味精 所以單飲可能會覺得淡味咗 建議最好配埋餃子一齊食 咁味道就岩岩好❤️ 另外都覺得一定要+$1分開返湯同餃子 怕太長時間拎到返去會影響口感🤔回味手拍青瓜🥒係我最鐘意既小食 份量都唔少 加咗蒜蓉同醋 惹味又開胃又爽口😚四川涼皮係我好鐘意既重慶小食 涼皮口感好爽彈 配埋了小辣帶酸的醬汁 鋪上咗一堆花生碎同青瓜絲 口感豐富唔單調 份量也很多😆