花漾 (已結業)

今日去咗銅鑼灣做野，想搵個外賣買返公司食，由於餐廳外牆係玻璃，望入去，見到呢度有得食喇沙，所以就即刻入咗去叫咗個喇沙外賣。職員好友善咁同我講要等大約15分鐘，照預約時間去就直接攞到外賣。返到公司就打開嚟食啦，我將啲食材慢慢放入個碗浸住湯食。個新加坡版嘅喇沙，唔會話好辣，又好香，因為我要左參參版，所以又有油麵又有米粉。佢外賣係麵同湯分開上嘅，所以都唔會話啲面浸淋晒。佢嘅材料仲有魚蛋豆卜兩三條菜同蝦。要特別講佢隻蛋係半熟蛋，如果係怕生生地嘅蛋嘅朋友，可能就要同佢講聲要熟蛋呀。作為午餐來講都夠晒飽。