冠華冰廳·阿爺燒鵝

營業中

休息中

年三十晚諗住同屋企人在家食賀年飯, 想食得豐富啲, 所以嚟咗呢度外賣一隻飛天頭抽雞, 斬料加餸~呢間燒味店都算乾淨衛生, 嚟到嘅時候已經見到門口排滿晒人, 我叫外賣都要等大概20分鐘先拎到飛天頭抽雞 (全隻)拎上手好重手, 番到屋企一打開, 見到相當有份量嘅雞, 未食已經聞到豉油香氣! 雞肉嫩滑又可口, 帶豉油香味, 好入味呢!我自己最鍾意食雞髀🍗, 啖啖肉, 雞皮都好好食😋! 另外會附上薑蔥蓉, 用嚟撈白飯都好正! 下次有機會想試埋佢哋嘅燒鵝同叉燒！