金沙角美食小厨

營業中

休息中

又一日，屋企人提議食大排檔，就落咗去食呢間。是日有帶住隻小狗所以坐咗喺出面既枱，熱屎辣辣，風扇都冇係幾影響食慾。大排檔黎講，個人覺得餐牌上既選擇係比較少，都可能比較少食唔知隱藏美食😅太熱胃口一般唔知食咩叫咗蝦仁炒蛋，份量算多，蝦仁大隻爽口，叫埋飯食比較好，偏咸。阿叔聲稱經典菜既牛肉炒菜芯，味道唔錯，主菜加埋少少蔥頭草姑薑清炒，個人幾推薦呢味菜，惟一美中不足既係，菜芯太粗，大部分既菜葉位被切走。現場環境尚可，雖然係疫症期間，不過食客依家都多，除堂食外都不少人外賣自取。至於防疫措施方面則有待加強。