Poking

餐廳位於上環蘇杭街，主打夏威夷蓋飯，減肥或者胃口細既人都適合。店內裝修別緻，可以享受一個寫意的用餐環境。I am Greedy Signature Menu既預設套餐，配料有三文魚、吞拿魚、鮮蝦、蟹柳沙律、蟹籽、雞蛋絲、青瓜、枝豆和芝麻，加上配搭上自製醬油。三文魚應該有腩部，甘甜肥美。吞拿魚切成粒，容易拌勻之餘，又容易放落口。蟹柳沙律及蟹籽一同食用，加倍味美。自選飯底壽司飯，酸酸的飯特別開胃。自選餐單可以自由配搭，由飯底，蛋白質（又稱主菜），配料，特色醬及脆脆配料都可以揀，可以自行設計一個貼心的飯盒。我揀左糙米飯配沙律菜，可以食少啲飯，糙米飯的膳食纖維更高，對減肥有幫助。八爪魚好有咬口，只有新鮮八爪魚先做到。蟹柳沙律，雜錦香菇即使是涼品都香噴噴，芫荽莎莎有好多粒粒，味道酸爽。最後加埋油醋汁及紫菜絲。