大統領

營業中

休息中

餐廳採用日式趟門， 內裏別有洞天 ，日式嘅佈置充斥著整個餐廳環境! 餐廳特別有一個夏季期間限定嘅餐牌 ，全部都係凍食，有烏冬，亦都有冷麵。 索價68蚊至到88蚊不等， 豐儉由人！店裏面嘅餐具都好別緻， 呢個先至係日式餐廳應該有嘅態度！吉列豬扒凍烏冬拼番茄汁（$68）～ 前菜雖然都係一啲來貨嘢 ，但主菜吉列豬扒算係幾多件而且炸得好香口， 凍食烏冬都好特別， 番茄加上麻醬， 兩者加埋以為會好怪 ，但實際上會有驚喜！ 可惜紫菜已經唔夠脆 ，彷彿已經放咗一段時間。軟殼蟹凍烏冬拼番茄汁（$78）～ 基本上同上面嗰餐一樣，只係豬扒變成軟殼蟹， 軟殼蟹原隻上，用料十足， 以呢個價錢嚟講算係抵食之選！