秋香 (康景花園)

營業中

休息中

今日路經屯門，終於有機會試下呢一間Fusion 餐廳。如果店主係星爺fans，間舖主題係嚟自「唐伯虎點秋香」，係入面掛咗兩首大家耳熟能詳嘅詞，但裝修風格唔係中式，反而似個花園。佢哋夜晚仲會變做酒吧賣串燒，朝早有All Day Breakfast ，但嚟到梗係食佢哋出名嘅Fusion煲仔飯。但呢期都好熱，佢哋就推介佢哋夏日限定白布烏冬定食。凍烏冬滑捋捋，倒入鰹魚汁就啱晒夏天食。兩隻炸蝦大大隻，醋海藻酸酸甜甜。最後仲有蜜瓜同櫻花菓子做甜品。另外仲叫咗個玉子蟹肉蟹膏蟹柳大混戰煲仔飯，啖啖蟹肉飯香，仲有飯焦添。飲品就推薦自家蜜餞檸檬西袖伯爵茶，酸甜啱啱好，夏天飲落真係好舒服。