壽喜燒·肉屋

營業中

休息中

由網店時代已經開始有留意既壽喜燒·肉屋終於喺尖沙咀開實體店！lunch hour到訪入面已經坐滿晒人，排左一陣先入得，想食一定要訂枱！午餐Menu有兩款薩摩牛壽喜燒套餐同一款壽喜燒和牛丼選擇，而兩款壽喜燒分別可以揀特上同特選兩種薩摩牛，可以根據味道喜好同價錢決定☺️首先上枱既係三款前菜：薯仔沙律、胡麻豆腐、自家製和牛丸子。店員建議跟順序進食，由清新到濃郁，係好豐富既開胃前菜！跟住就係重頭戲壽喜燒🥰店員會幫忙將食材擺放好鍋上，倒入醬汁就可以開始燒牛肉喇！特上薩摩牛脂肪量較多而油花滿佈，沾上日本蛋後油香滿溢；特選薩摩牛就較少脂肪所以肉味濃郁，配上微甜壽喜燒醬油味道一流🤤野菜盛合中既豆腐、芋絲、大蔥等全部吸收醬汁精華，好味得來份量夠飽肚🙆🏻‍♀️我地仲點左兩杯NIKUYA特調夕焼け，由芒果、蜜桃、西柚、四季春調配而成，正正係黃昏嘅顏色☺️