一遊

營業中

休息中

今日同朋友去咗灣仔一間日本料理，出品精緻又正宗。雜錦壽司拼盤，師傅刀工了得，每件壽司都係藝術品！特別係拖羅壽司，魚油甘香，醋飯溫度剛好，鬆軟得嚟又帶微微甜味。最驚喜係個海膽吞拿魚卷，海膽creamy得嚟完全無腥味，吞拿魚蓉混入少少香蔥，味道層次爆燈！牛肉串燒，外層燒到微微焦脆，卷住烤到剛好嘅香菇，菇吸收晒牛油香，個配搭真係諗起都流口水！雜錦天婦羅，紫蘇葉包海膽天婦羅，脆衣包住流心海膽，視覺味覺雙重享受！茄子天婦羅保持到水嫩，師傅油溫控制功力深厚。牛肉石頭鍋飯上枱時「滋滋」聲好治癒！飯焦香脆得嚟唔會燶，牛肉片醃得入味，我哋爭住食飯焦添！海鮮蕃茄湯，用咗日本高糖番茄，湯底鮮甜到似飲緊海陸精華，入面仲有大蝦，飲完成個胃暖笠笠。牌仲有好多菜式我都想食，下次再約朋友再食過。