鳥山名

Lunch嚟到鳥山名, 睇睇餐牌都幾多款式可以揀, 有拉麵、手打烏冬、壽司...  價錢由幾十到百幾二百都有, 可謂豐儉尤人, 無論你係辦公室食物鏈嘅最低層, 抑或係最高層, 大家坐埋一枱都無有怕 😎

我就叫咗餐牌上推介嘅九州拉麵 ($85), 一個set 包括埋3件小壽司、沙律、日式魚仔、蒸蛋、綠茶甜品.

九州拉麵

$85

九州拉麵嘅特濃豬骨湯底夠濃郁之餘又唔會太油膩, 而呢個麵嘅重點推介位係塊極大嘅豚肉 👏

塊豚肉唔單止大, 仲好有厚度㗎!! 肉質又夠滑嫩, 加上外層有微微烤過, 令塊豚肉更香 🤤  呢塊豚肉真係要讚一讚!!  

除此之外, 壽司同綠茶甜品都唔錯, 食完呢個套餐真係好鬼飽, 仲好鬼滿足添 😋