影片
更多
2022-08-09
332 瀏覽
高質日式午市套餐！喺堅尼地城海旁附近見到有間日式餐廳，坐吧枱嘅話可以望到廚房入邊煮嘢食，亦都可以望到海景。有得食景又食到高質素嘅食物，而且幫襯第二個午市套餐半價，推介！我六月尾同八月頭都幫襯過，餐廳會定期轉下Menu，幾有新鮮感，午市套餐包漬物、麵豉湯、沙律、果汁或茶同甜品，非常豐富。因為即叫即煮嘅關係，兩次幫襯上菜嘅速度都要大概十幾二十分鐘，趕時間食飯嘅就唔好揀呢間餐廳。如果有時間慢慢食飯，呢度都係一個唔錯嘅選擇。宮崎黑豚肉烏冬$138- 漬物係醃牛蒡，口感爽口，味道偏鹹，夾埋烏冬一齊食比較好。烏冬煙韌，係讚岐烏冬，有咬口嘅。最令我印象深刻嘅係黑豚肉片，首先份量非常多，而且味道食到炭燒嘅香氣，推介！日本漢堡扒定食$168- 漢堡扒都好味道，外脆內軟，入面充滿肉汁，油分充足，一啲都唔柴，不過如果分量加多一個漢堡扒就更加好。甜品係雲呢拿雪糕，冰感較重，睇到入邊有好多雲呢拿籽。宮崎豬軟骨烏冬$138- 今次呢個烏冬比起上次黑豚肉烏冬遜色少少，一來今次湯底偏鹹，二來豬軟骨普通啲，同平時食嘅差唔多。漬物有驚喜，係生蒜頭粒粒配上類似五香肉丁醬嘅醃料，食落去冇蒜頭嘅味道，口感非常爽口，有趣。日式唐
有得食景又食到高質素嘅食物，而且幫襯第二個午市套餐半價，推介！
我六月尾同八月頭都幫襯過，餐廳會定期轉下Menu，幾有新鮮感，午市套餐包漬物、麵豉湯、沙律、果汁或茶同甜品，非常豐富。因為即叫即煮嘅關係，兩次幫襯上菜嘅速度都要大概十幾二十分鐘，趕時間食飯嘅就唔好揀呢間餐廳。如果有時間慢慢食飯，呢度都係一個唔錯嘅選擇。
宮崎黑豚肉烏冬$138
- 漬物係醃牛蒡，口感爽口，味道偏鹹，夾埋烏冬一齊食比較好。烏冬煙韌，係讚岐烏冬，有咬口嘅。最令我印象深刻嘅係黑豚肉片，首先份量非常多，而且味道食到炭燒嘅香氣，推介！
日本漢堡扒定食$168
- 漢堡扒都好味道，外脆內軟，入面充滿肉汁，油分充足，一啲都唔柴，不過如果分量加多一個漢堡扒就更加好。甜品係雲呢拿雪糕，冰感較重，睇到入邊有好多雲呢拿籽。
宮崎豬軟骨烏冬$138
- 今次呢個烏冬比起上次黑豚肉烏冬遜色少少，一來今次湯底偏鹹，二來豬軟骨普通啲，同平時食嘅差唔多。漬物有驚喜，係生蒜頭粒粒配上類似五香肉丁醬嘅醃料，食落去冇蒜頭嘅味道，口感非常爽口，有趣。
日式唐揚炸雞定食$148
- 炸雞大大粒，炸粉薄薄地，保留到雞肉汁，肉質都幾嫩滑，唔錯。
宮崎黑豚肉烏冬
$138
8 瀏覽
0 讚好
0 留言
日本漢堡扒定食
$168
6 瀏覽
0 讚好
0 留言
日本漢堡扒定食
$168
9 瀏覽
0 讚好
0 留言
13 瀏覽
0 讚好
0 留言
宮崎豬軟骨烏冬
$138
5 瀏覽
0 讚好
0 留言
日式唐揚炸雞定食
$148
5 瀏覽
0 讚好
0 留言
日式唐揚炸雞定食
$148
5 瀏覽
0 讚好
0 留言
張貼
