影片
更多
2024-09-21
302 瀏覽
我明白而家市道難做，好難請清潔工，又為咗慳成本，但我堂食可唔可以唔俾即棄餐具我呢？我哋兩個人嗌咗三碟嘢，碟碟都係用埋啲讕係環保嘅餐具我哋，擺到明係因為唔想洗，慳成本💰俾啲即棄餐具我都算啦，可唔可以採購一啲高質小小嘅即棄餐具呢？你睇吓張相，支叉都好似我做瑜伽咁反轉摺埋，個木匙羹仲扁過我老公個胸！諗住開開心心食部隊鍋飲吓啲味精湯，個垃圾木匙羹都畢唔到我口水嘅份量，最後要用個紙杯去潷啲湯嚟飲，真係笑死我以及，如果咩都俾晒紙餐具我，平時堂食都係自己拎餐同餐具，咁我不如返屋企食啦做咩坐喺你嗰度食啊，不如摺埋唔好做堂食啦，咁你又可以慳返多啲人手啦喎，做乜租個場喺太古城中心啫？香港政府真係要立法監管下呢啲餐廳，又話要推動環保，睇嚟都要向餐廳入手，禁止餐廳製造多餘嘅垃圾浪費地球資源，堂食客戶必須提供非一次性餐具，如果餐廳已人手不足或經營成本問題而堅持只提供即棄餐具比客戶，應該向餐廳徵收浪費地球資源誰？ （ Benchmark 而家洗碗工嘅人工!）
我哋兩個人嗌咗三碟嘢，碟碟都係用埋啲讕係環保嘅餐具我哋，擺到明係因為唔想洗，慳成本💰
俾啲即棄餐具我都算啦，可唔可以採購一啲高質小小嘅即棄餐具呢？
你睇吓張相，支叉都好似我做瑜伽咁反轉摺埋，個木匙羹仲扁過我老公個胸！諗住開開心心食部隊鍋飲吓啲味精湯，個垃圾木匙羹都畢唔到我口水嘅份量，最後要用個紙杯去潷啲湯嚟飲，真係笑死我
以及，如果咩都俾晒紙餐具我，平時堂食都係自己拎餐同餐具，咁我不如返屋企食啦做咩坐喺你嗰度食啊，不如摺埋唔好做堂食啦，咁你又可以慳返多啲人手啦喎，做乜租個場喺太古城中心啫？
香港政府真係要立法監管下呢啲餐廳，又話要推動環保，睇嚟都要向餐廳入手，禁止餐廳製造多餘嘅垃圾浪費地球資源，堂食客戶必須提供非一次性餐具，如果餐廳已人手不足或經營成本問題而堅持只提供即棄餐具比客戶，應該向餐廳徵收浪費地球資源誰？ （ Benchmark 而家洗碗工嘅人工!）
張貼
