影片
更多
2022-03-05
350 瀏覽
一直都喜歡莆田的用餐環境，乾净又舒服，侍應服務態度亦都非常好。疫情之下去超市入貨之前覺得好肚餓，經過莆田發現竟然堂食都有7折，於是即刻衝入去食！當時其實已經5點，我都有少少擔心唔夠時間食，不過上菜速度都算快，大概10分鐘左右已經上咗三個餸，唯獨是米粉大概25分鐘先上菜。如果趕時間嘅話要留意下。一開始侍應會俾一碟餐前小食，不過我見到係腌蘿蔔就話唔要了。因爲餐前小食都係會收費，所以如果唔想食就即刻同侍應講。另外記得唔好除口罩，之前喺另外一間餐廳（非莆田）試過除咗口罩再同侍應講唔要餐前小食，佢就話疫情原因，如果客人已經除低口罩就無辦法再取消了。百秒黃花魚 78HKD百秒黃花魚非常幼嫩，入口即化。美中不足就係黃魚本身魚骨比較多，所以食嘅時候要小心啲。初初食會覺得比較清淡，不過浸入魚湯部分的魚肉就會比較鮮甜。份量唔算太大，兩個人食啱啱好。鐵板自製滑豆腐 89HKD一上菜嘅時候賣相已經非常吸引，豆腐表面有炸鍋，裏面非常嫩，完全無豆腥味，爭啲以爲自己食緊蒸蛋。醬汁好惹味但又唔會太鹹，加上豆腐下面有一層蛋漿，一齊食更香。每一舊豆腐上面有Q彈的蝦仁，令到成個餸更高級：P 雖然價錢稍微貴啲，但味道確實有保
當時其實已經5點，我都有少少擔心唔夠時間食，不過上菜速度都算快，大概10分鐘左右已經上咗三個餸，唯獨是米粉大概25分鐘先上菜。如果趕時間嘅話要留意下。
一開始侍應會俾一碟餐前小食，不過我見到係腌蘿蔔就話唔要了。因爲餐前小食都係會收費，所以如果唔想食就即刻同侍應講。另外記得唔好除口罩，之前喺另外一間餐廳（非莆田）試過除咗口罩再同侍應講唔要餐前小食，佢就話疫情原因，如果客人已經除低口罩就無辦法再取消了。
百秒黃花魚 78HKD
百秒黃花魚非常幼嫩，入口即化。美中不足就係黃魚本身魚骨比較多，所以食嘅時候要小心啲。初初食會覺得比較清淡，不過浸入魚湯部分的魚肉就會比較鮮甜。份量唔算太大，兩個人食啱啱好。
百秒黃花魚
$78
8 瀏覽
0 讚好
0 留言
鐵板自製滑豆腐 89HKD
一上菜嘅時候賣相已經非常吸引，豆腐表面有炸鍋，裏面非常嫩，完全無豆腥味，爭啲以爲自己食緊蒸蛋。醬汁好惹味但又唔會太鹹，加上豆腐下面有一層蛋漿，一齊食更香。每一舊豆腐上面有Q彈的蝦仁，令到成個餸更高級：P 雖然價錢稍微貴啲，但味道確實有保證。
鐵板自製滑豆腐
$89
14 瀏覽
0 讚好
0 留言
金湯時蔬 79HKD
本來可以俾5星，但豆苗比較老，可能同最近蔬菜價格較高有關。高湯加上爆香嘅蒜片同皮蛋，每一啖都有濃郁的湯汁相伴，食欲大增。蔬菜份量唔係好多，不過疫情之前未有試過，所以唔知是否因爲成本增加而減少咗蔬菜份量。食完完全唔會感覺口渴，所以相信係無味精。
金湯時蔬
$79
16 瀏覽
0 讚好
0 留言
興化炒米粉 細份 88HKD
非常足料而且乾身的炒米粉。有紫菜、花生、大蝦仁、細蝦乾、蜆等材料。米粉配一碟辣椒醬，如果比較重口味的朋友可以撈少少一齊食。我本身麻麻地鍾意米粉，都覺得ok。老公更加覺得贊不絕口。細份已經足夠兩個人食。
興化炒米粉 細份
$88
35 瀏覽
1 讚好
0 留言
題外話/補充資料：
因爲有7折，所以同老公就諗住下次再幫襯。不過要留意唔係所有食物都有7折，最好同店員確認清楚。另外如果想食黑胡椒蟹，必須要提前一天預訂。
(以上食評乃用戶個人意見 , 並不代表OpenRice之觀點。)
張貼
