影片
更多
2021-01-22
447 瀏覽
阿大少行行吓街話又攰又口渴，所以我就帶咗佢嚟春水堂坐下回下氣！媽媽我仲可以順便嘆杯珍珠奶茶 😝之前淨係試過外賣，都係第一次喺香港堂食。疫情下，都要等10分鐘先可以入座。大少話佢唔肚餓，所以我哋淨係叫咗一杯珍珠奶茶，一碟黃金地瓜條，一份奶酥吐司做下午茶。因為阿大少只得四歲，侍應見佢細路仔唔飲得珍珠奶茶，都好樂意俾杯水佢解渴。先講珍珠奶茶，茶味香濃，唔太甜。面頭有少少奶泡又幾好飲，不過頗多冰，好快飲完。珍珠煙煙韌韌好咬口，細細粒食得多都唔會滯。黃金地瓜條 - 蕃薯條炸得好香脆，梅子粉酸酸甜甜，開頭食有啲怪，但食食吓又幾惹味。阿少爺好鍾意，食到就嚟想舔埋個碟！奶酥吐司 - 厚多士外脆内軟，面皮甜甜脆卜卜，好似菠蘿包個皮，但比之再幼滑啲。不過呢個吐司食落有啲膩，最好多啲人一齊分享 (因為阿少爺唔鍾意食，最後我自己一個食晒)叫咗三樣嘢，三樣我哋都好滿意！下次路過一定會再食 😋
之前淨係試過外賣，都係第一次喺香港堂食。疫情下，都要等10分鐘先可以入座。
大少話佢唔肚餓，所以我哋淨係叫咗一杯珍珠奶茶，一碟黃金地瓜條，一份奶酥吐司做下午茶。因為阿大少只得四歲，侍應見佢細路仔唔飲得珍珠奶茶，都好樂意俾杯水佢解渴。
先講珍珠奶茶，茶味香濃，唔太甜。面頭有少少奶泡又幾好飲，不過頗多冰，好快飲完。珍珠煙煙韌韌好咬口，細細粒食得多都唔會滯。
黃金地瓜條 - 蕃薯條炸得好香脆，梅子粉酸酸甜甜，開頭食有啲怪，但食食吓又幾惹味。阿少爺好鍾意，食到就嚟想舔埋個碟！
奶酥吐司 - 厚多士外脆内軟，面皮甜甜脆卜卜，好似菠蘿包個皮，但比之再幼滑啲。不過呢個吐司食落有啲膩，最好多啲人一齊分享 (因為阿少爺唔鍾意食，最後我自己一個食晒)
叫咗三樣嘢，三樣我哋都好滿意！下次路過一定會再食 😋
珍珠奶茶
$32
21 瀏覽
0 讚好
0 留言
黃金地瓜條
$33
46 瀏覽
0 讚好
0 留言
奶酥吐司
$23
19 瀏覽
0 讚好
0 留言
奶酥吐司
$32
17 瀏覽
0 讚好
0 留言
張貼
