賞島咖啡屋

營業中

休息中

賞島咖啡屋今日喺太子，又多人又多車又熱，好想搵間餐廳坐低hea下，然後就見到呢間門面好靚嘅café，一入到執去就感覺到店主好有心思，餐廳入面裝修都好靚，係我最愛木系裝修，而前枱上面仲有啲英文字母比你砌上牆到，有得食又有得玩～我哋叫咗兩個餐，跟咗個甜品～蕃茄湯餐湯有驚喜，口口都食到蕃茄粒，而且黑椒落得足，辣辣地酸酸甜甜，好開胃～飲品方面叫咗cappuccino同特飲honey grapefruit tonic，杯tonic好靚，啲杯係紫色的，杯野係粉紅色，少女心爆發～蒜油花椒蜆肉意大利麵首先啲蜆肉排得好靚，然後意粉最重要嘅係-al dente！意粉有口感，蒜油意粉最重要嘅兩樣嘢都做到了～1）蒜油味好香好香，食到停唔到口，2）辣辣地好過癮，仲要係用花椒，成件事好特別。溫泉蛋忌廉卡邦尼意大利麵賣相靚，每啖都creamy，意粉彈牙，正！是日甜品有幾個選擇，我哋揀咗tiramisu，每啖都充滿酒香，為今日好chill嘅一餐完美作結。