賞島咖啡屋

今日朋友生日，約佢來到太子呢間cafe。雖然餐廳唔大，但裝修十分寧靜舒服，同街外熱鬧既氣氛成對別。點左一份2人餐加一個意粉。雞胸沙津（⭐️⭐️⭐️⭐️⭐️）餐廳既沙津好靚，未食已經覺得好fresh。沙津菜唔係馬虎，用上多種新鮮品種，唔會hea你。另外配上濃度剛好既沙津汁，好開胃同清新。另外不得不提雞胸，慢煮之後令雞胸保持嫩滑，一d乾柴感都冇！精選餐湯（⭐️⭐️⭐️⭐️⭐️）超級喜歡餐廳令次既蔬菜湯！佢唔係一般個種又杰又咸又無料既羅宋湯，反而好中二佢個種清湯底又蔬菜滿滿既感覺，每一啖都有好舒服既感覺，而且真係感覺到蕃茄、西芹等等蔬菜原味道，健康up！西京燒比目魚（⭐️⭐️⭐️⭐️⭐️）餐廳煮既比目魚我敢講係酒店級數，首先魚肉十分嫩滑，但唔係完全脂質，而係魚油魚肉比例均勻，食到魚肉又每啖滑溜。而且火喉剛剛好，唔會太實又唔會未熟。另外調味好出色，西京燒煮得好惹味，味噌，酒香交替，呢個價錢就食到，好幸福呀！青醬帶子螺絲粉（⭐️⭐️⭐️⭐️⭐️）呢碟螺絲粉擺盤十分精美！帶子全部都煎得金帶微焦，每啖都肉質仲係嫩滑，仍然享受到刺身級肉質。另外青醬調味都好出色，絕對唔覺得肥膩，反而羅勒同欖油香味滿滿，加埋小小蛋黃醬，好食到停唔到。咖啡燒汁烤豬仔髀（⭐️⭐️⭐️⭐️⭐️）第一次見到食物拌埋咖啡粉食，唔好以為好怪，食落好夾，咖啡既香氣同微甘完美地去左豬肉本身既小小膻味，特別喜歡豬仔髀好嫩滑，一d都唔會鞋口，配搭埋沙津菜同香烤蘑菇，一d都無罪惡感！Apple crumble （⭐️⭐️⭐️⭐️⭐️）餐廳既甜品處理一d都唔馬虎，好中二佢個crumble上面有杏仁片，令到甜品既口感層次豐富左。另外，蘋果同肉桂都好香濃，為今餐錦上添花。熱檸檬柚子蜜（⭐️⭐️⭐️⭐️⭐️）最後飲埋熱檸檬柚子蜜覺得整餐好完滿，而且係秋意漸濃既天氣下飲杯柚子蜜，特別覺得滋潤舒服！~~~~~~~賞島咖啡屋 太子花園街233-235號偉雄大廈地下A號舖推介菜式：雞胸沙津、西京燒比目魚、青醬帶子螺絲粉👍出色味道👍地點方便👍環境舒適 …查看更多

一入店就聞到陣陣咖啡香氣☕店內播住本地廣東歌開放式廚房與咖啡bar滲透出一份賞島咖啡屋獨有的個性😎Order左二人set menu，包含前菜、主菜、甜點、飲品菜式吸引、份量令滿意🥣是日精選餐湯蕃茄濃湯質地濃稠🍅茄味香濃，配上香草點綴味道酸甜開胃🥗慢煮雞胸柚子汁沙律片片雞胸擺成開花形象，賣相吸引🐔慢煮雞胸口感軟熟，入口滿滿肉感柚子汁酸甜配上沙律菜，清爽開胃🥩美國安格斯牛板鍵牛板鍵order左5成熟面層封煎微焦，口感焦香內裡肉質鮮嫩，滿滿牛肉原始風味🤤伴有香菇、薯蓉等配菜煎煮的香菇保留啖啖菇汁整體十分好味👍🏻🥬青醬帶子螺絲粉🍝綠油油的賣相充滿草本氣色螺絲粉沾滿青醬，入口溫暖而有顆粒感牛油煎帶子，散發陣陣濃香牛油風味面層煎得金黃，內裡保持帶子鮮嫩❤️🍹 Yuzu Soda & Passion Fruit Soda柚子梳打與熱情果梳打果子的酸甜滋味配上汽泡感令人清新舒暢🍰 Tiramisu面層灑有厚厚可可粉奶油起司帶點冰感底層基底散發出陣陣酒味層次豐富，令人滿足總結而言，賞島咖啡屋有種與別不同的個性餐點有質素，店員服務甚好下次再來要品嚐一下他們的咖啡作品❤️…查看更多

花墟附近的花園街，食肆林立，今晚約了朋友在一間咖啡店晚膳。餐廳店面不大，裝修簡約雅嫩，富文青氣息。我們選了個二人晚市套餐，當中包括前菜、主菜、甜品、飲品，相當豐富，而且選項也不少。前菜：「番茄濃湯」由新鮮番茄攪拌而成，有質感，酸甜可口，味道天然。「慢煮雞胸柚子汁沙律」賣相精緻，把雞肉片砌成玫瑰花形狀，有心思。雞胸肉腍軟入味，肉質鮮嫩。爽口沙律菜配上柚子汁，非常開胃。主菜：「美國安格斯牛板腱」牛板腱外皮烤得香口，裏面肉質粉紅鮮嫩，肉汁豐富，肉味濃郁。配菜有軟滑薯蓉及烤香蘑菇，蘑菇特別香口，口感也不錯。「青醬帶子螺絲粉」大大粒烤香帶子，鮮味十足。青醬螺絲粉配上新鮮蔬菜及忌廉，非常惹味。甜品：芝士蛋糕芝士味道濃郁，加上草莓醬點綴，既美觀，又好味。飲品：「熱柚子檸蜜」一壺奉上，賣相優雅，可以慢飲細嚼。「凍柚子梳打」冰凍解渴，又是另一番滋味。這裏的菜式製作認真，有誠意，食物有水準，晚市時段甚受顧客歡迎。…查看更多

cafe環境舒適有空間感 伴隨着好聽的音樂 成件事都幾chill❤️夜晚叫set都幾抵食 $488/2人 有前菜·湯·主菜·甜品同飲品😋👍🏻.𝑨𝒑𝒑𝒆𝒕𝒊𝒛𝒆𝒓🫧雞胸沙律🥗雞胸🐣比想像中更嫩滑 配新鮮菜葉同沙律醬 脆口不膩 開胃又健康😋𝑺𝒐𝒖𝒑🫧蕃茄濃湯微酸帶甜 滑順不澀 食到蕃茄的粒粒感.𝑴𝒂𝒊𝒏🫧慢煮西班牙豬鞍慢煮豬鞍肉嫩無筋 咬口有勁份量足 肉食控🍖表示好滿足😌.🫧蒜油花椒蜆肉意粉蒜蓉油花椒超香椒 蜆肉飽滿肥美 意粉煙韌彈牙 辣中帶鮮.𝑫𝒆𝒔𝒔𝒆𝒓𝒕🫧Carrot Cake🥕好有驚喜的蛋糕🍰胡蘿蔔🥕加堅果🌰口感層次豐富奶油芝士🧀霜濃郁不膩🤪真係一試愛上.𝑫𝒓𝒊𝒏𝒌🫧Dirty層次豐富 微苦清爽.🫧Passion fruit soda百香果酸甜果香十足 清新解渴🤪…查看更多

放假同媽咪行花墟去左附近既賞島咖啡屋Lunch🎏店內環境舒適 氣氛幾好店員服務態度唔錯☺️Lunch time時間都幾full建議大家先book位🥢Lunch Set $128🍝香煎三文魚檸檬汁意粉Pan-fried salmon Spaghetti with Lemon Sauce ~檸檬汁令到意粉有淡淡酸香味口感爽口不膩 幾清新;三文魚唔會好腥亦唔會太熟 肉質嫩滑🫕餐湯蕃茄湯 ~ 酸酸地 好香既蕃茄味好開胃🤤🍹飲品assion Friit Soda ~飲落去好清新…查看更多

難得有假期同朋友試下cafe西餐。咁岩見到openrice 2人餐 就剛剛好，唔洗自己諗咁多🤣成個餐都幾豐富 都多野食😆海鮮龍蝦湯🦞成個湯好濃郁，而且都有唔小海鮮同龍肉係入面，可以做到啖啖肉和風味噌牛舌沙律🥗本身都唔好牛舌，但呢個又可以接受。因為個醬連同埋沙律菜同個牛舌，口感好爽脆 完全做到前菜開胃既功效🤤海膽味噌蟹肉意大利粉🍝黎到擺得好靚，而且海膽量都唔小。食落都好好味😋成件事都好夾💙美國安格斯牛板腱🥩主菜揀咗5成牛，一黎到見咁紅都怕既，但食落都偏淋既。係某啲部分好靭 難啲咬🤣佢配菜都有薯蓉 蘑菇 同沙律菜。但薯蓉食到有薯粒添 有驚喜既😍Tiramisu & Cheese cake🧀🍰飯後甜品揀左2個最安全既甜品🍰2個都好食 食完都好滿足 😌好飽😂…查看更多

旺角有唔少特色嘅街道，鍾意尋寶嘅話唔定會有驚喜呢！至於嚟到花園街，我哋嘅尋寶唔係市集上嘅百貨或者地攤，反而係街道兩旁嘅餐廳。喺人多熱鬧嘅花園街，有一間文青木調嘅餐廳，形成強烈嘅對比，令賞島咖啡屋成為喧鬧嘅淨土。慢煮雞胸柚子汁沙律以慢煮製作嘅雞胸肉，肉質完全唔亼鞋颯颯，入口軟腍，酸酸甜甜嘅柚子汁，更令雞胸肉帶有清爽嘅感覺。海鮮龍蝦湯龍蝦湯嘅龍蝦鮮甜味香濃，仲有啖啖龍蝦肉同原隻蜆肉，味道鮮甜突出，層次豐富。美國安格斯肉眼肥美肉厚嘅美國安格斯肉眼，五成熟就最啱我心水。肉質Juicy，牛肉味濃厚，非常惹味。至於配菜嘅大啡菇索晒肉汁，加上香濃嘅菇菌味，好好味呢！蒜蓉花椒蜆肉意大利麵新鮮嘅蜆肉作為主角，除咗本身嘅甜味之外，恰到好處嘅爆炒令到蜆肉本身保持到海鮮鮮味之外，更傳播到意大利麵之中。但最驚喜嘅係用上花椒作為調味，花椒陣陣辛辣香味，配搭創意。…查看更多

這間賞島咖啡屋是家性價比高的小店，空間不大，但環境感覺溫馨舒服，跟閨蜜來傾計聚會很不錯。他們的dinner set 很不錯，份量很足夠。先有餐湯，沙律，慢煮雞胸柚子汁沙律份量頗大，慢煮過的雞胸仍然嫩滑，醬汁很開胃。雜菜湯充滿蕃茄味。慢煮西班牙豬鞍，賣相精緻，豬鞍肉質軟腍多汁，肉味濃。豬鞍煮至7-8成熟，仍帶粉嫩，外層烤至微脆，可沾上海鹽/芥末醬，配上自家製薯蓉，咖啡菇及沙律菜。蒜油花椒蜆肉意大利麵，份量大，充滿蒜油及花椒的麻辣香氣，味道微辣惹味，蜆肉鮮甜無沙。最後仲有甜品及餐飲。carrot cake 充滿肉桂香味，有核桃等堅果的口感。咖啡有靚靚拉花，很開心。…查看更多

二人套餐🌼海鮮龍蝦湯一定要加！龍蝦味濃郁，而且仲有龍蝦肉好足料😋🌼慢煮雞胸柚子汁沙律雞胸嫩口唔鞋冇雪味，沙律菜新鮮，配埋柚子汁好夾！🌼肉眼扒牛板鍵賣曬，臨時換左肉眼，超有誠意！勁大塊！煎得啱啱好，肉汁多又有牛味，正！🌼青醬帶子螺絲粉帶子新鮮厚肉，螺絲粉沾滿青醬超香🤤仲有啲沙律菜中和下冇咁膩👍🌼Tiramisu 酒味比較濃，食落夠凍，cream都滑身，上面仲有幾塊動物餅好可愛🤣🌼cappuccino & passion fruit soda Cappuccino 泡沫感重唔甜，熱情果梳打酸甜開胃…查看更多

花墟附近嘅高質小店，係個飯聚好地方晚市套餐包括餐湯、前菜、主菜、飲品及甜品，想食嘅都有齊🎈蕃茄濃湯蕃茄湯帶有蕃茄蓉，口感超濃郁，酸酸甜甜易入口🎈慢煮雞胸柚子汁沙律擺盤精緻好有誠意，雞胸肉軟嫩又juicy沙律菜、蕃茄仔、青瓜等材料配上柚子汁，清新開胃🎈慢煮西班牙豬鞍豬鞍份量十足，脂肪唔多依然食到軟嫩肉質配酸辣醬汁，酸酸辣辣襯托豬鞍嘅油香好正🍽️配有薯蓉、啡菇及沙律菜🥗薯蓉裡面保留粒粒薯仔肉🥔飽肚得嚟無負擔，成個感覺好豐富🎈 蒜油花椒蜆肉意粉賣相靚仔，蜆肉飽滿鮮甜，意粉煮得入味蒜油同花椒香好突出，幾有驚喜🎈 Carrot Cake紅蘿蔔蛋糕帶點肉桂香🥕仲有合桃粒增加口感，細膩輕盈嘅忌廉甜度剛好，值得再encore…查看更多

太子文青咖啡廳，地方不大，但簡約舒適，服務態度好，食物質素亦不錯。今晚來個二人套餐。是日餐湯係羅宋湯。前菜揀左慢煮雞胸柚子汁沙律，雞胸肉份量非常慷慨，慢煮方式令雞肉仍然保持鮮嫩多汁，一啲都唔柴口。配合柚子汁同沙律菜，非常清新。蒜油花椒蜆肉意粉非常出色，大愛🫶🏻首先擺盤做得好靚，一上菜已經聞到好香蒜油同花椒油味。蜆肉好鮮甜同無沙，意粉有濃郁蒜香同花椒麻辣香，喜歡🙌🏻咖啡燒汁烤豬仔脾亦有驚喜。豬仔脾肉超級嫩滑，外層烤得好香，再蘸上咖啡鹽，口味好獨特。甜品揀左黑芝麻蛋糕。帶有濃郁黑芝麻香，整體唔會太甜，中間仲加有麻糬，增添口感。…查看更多

最近去咗太子一間好有文青感嘅餐廳，主打日式、西式再加少少港式fusion風，$488 二人餐真係有啲驚喜，估唔到咖啡搭配烤肉可以咁夾，等我逐樣同大家分享！🦞 海鮮龍蝦湯前菜就已經好有誠意～湯底超濃郁，大大只沙白好鮮甜，龍蝦肉同蜆肉都好足料，飲完暖笠笠！🥗 味噌烤牛舌和風沙律牛舌燒得啱啱好，肉質軟嫩，味噌醬鹹香惹味，配埋沙律菜一齊食，清新又唔膩！🐖 咖啡燒汁豬仔脾豬仔脾熟得啱啱好，可以完美脫骨，咖啡燒汁帶微苦，咖啡香有嘀似smoky噶味道，真係好特別！自家制薯蓉好有口感，啡菇食落好多汁好香，沙律菜夠新鮮，去油膩感～好啱打卡又好食！🍝 蒜油花椒蜆肉意粉香氣十足的一道意粉，蒜油與花椒油的香氣交織，蜆肉鮮甜，意粉彈牙。麻麻辣辣好開胃～重口味朋友必試！🍰 香蕉芝士蛋糕甜品時間～芝士味與香蕉香氣融合得恰到好處，口感細膩不膩，唔會太甜，收尾一流！🍊柚子蘇打水酸甜的柚子蘇打汽水冰霜解膩，天時暑熱飲番杯消暑一流🌹Violet藝術感滿滿的一杯Gin 酒，下層係香甜的玫瑰味，上層係夢幻紫的蝶豆花，每一啖都帶有花香味，微酸的檸檬味平衡了Gin酒的苦和玫瑰的香甜，睇得又飲得。餐廳裝修走文青風，環境好chill，啱晒同朋友聚會或者拍拖～店内還有好多店長珍藏的動漫人物模型，好多細小擺件任你打卡，好似一個小小博物館，充滿人情味。創意料理加咖啡香氣，打卡又好食，推介俾鍾意新派料理同咖啡文化嘅你！…查看更多

最近同朋友喺太子搵食，無意中發現咗呢間隱世Cafe「賞島咖啡屋」，見到佢個二人餐 ($488 for 2) 好似幾抵，就決定入去試吓！估唔到質素有驚喜，絕對係一間會想再encore嘅餐廳！🥰我哋叫咗個二人餐，基本上包晒前菜、餐湯、主食、意粉、甜品同飲品，超級豐富！🥣 餐湯 & 飲品 🍹 今日嘅餐湯係南瓜湯🎃，飲落好creamy好綿滑，充滿南瓜嘅自然甜味，感覺好足料，完全唔係平時嗰啲hea做餐湯！飲品我哋就揀咗熱情果梳打同柚子梳打，兩杯都好夠氣，果味清新，甜度啱啱好，喺炎炎夏日飲真係勁爽勁開胃！🥗 慢煮雞胸柚子沙律 🌹 前菜個慢煮雞胸沙律一上枱，我哋已經「嘩」咗一聲😍！雞胸肉竟然可以整到成朵玫瑰花咁，賣相勁靚，相機食先是常識吧！📸 雞胸用慢煮方法處理過，食落一啲都唔柴，肉質超級嫩滑Juicy，配埋清新嘅柚子醋汁同新鮮沙律菜，成個配搭好Fresh，做開胃菜一流！🍝 蒜油花椒蜆肉意粉 🌶️ 呢個意粉絕對係是晚嘅驚喜之作！睇名以為係普通嘅Vongole，點知食落有好香嘅花椒麻味，但又唔會太辣，反而令到成件事好惹味，好有創意嘅fusion菜！啲蜆肉份量好多，隻隻都好飽滿鮮甜，完全冇沙，意粉軟硬度亦煮得啱啱好，掛汁力十足！👍🐷 慢煮西班牙豬鞍扒 (+$48)豬鞍扒超厚切，切開中間呈現誘人嘅粉紅色，肉質勁軟腍🤤，而且肉汁滿滿，完全體驗到慢煮嘅威力。面頭煎到有少少焦香，配埋旁邊嘅蜜糖芥末醬，味道層次即刻昇華！🍰 香蕉芝士蛋糕 🍌 最後嘅甜品係是日精選嘅香蕉芝士蛋糕。面頭有一層焦糖脆脆，蛋糕體好濕潤，芝士味香濃得嚟又唔會太膩，最正係入面真係食到一粒粒嘅香蕉果肉，口感好豐富，為呢餐畫上一個完美句號。💯…查看更多

今日朋友仔約我去旺角花墟買花之後帶我去一間精緻嘅西餐廳吃飯。內裡裝修簡約很有文藝氣息，店內淡淡咖啡香氣很放鬆。我們點選二人套餐🍽️是日精選餐湯🥣蕃茄蓉湯🍅新鮮蕃茄本身的天然果酸非常清新，味道非常豐富，而蕃茄在烹煮過程中，其天然糖分會慢慢釋放出來，能瞬間打開味蕾。濃郁的蕃茄蓉配少許番茜增加層次感。慢煮雞胸柚子汁沙律🥗這款菜式擺盤很吸睛，雞肉片放在中心砌成玫瑰花形狀，慢煮技術能讓雞肉在精確的低溫下均勻受熱，鎖住肉汁，吃起來完全不柴口，口感柔軟濕潤甚至帶點絲滑感。雞胸肉本身味道清淡，加入柚子汁能很好地吸收醬汁。而柚子汁帶來的不是檸檬那種超酸，而是一種更柔和更芳香的酸甜味。還有沙律菜非常清新爽脆口感清甜。美國安格斯牛板鍵🥩美國安格斯牛板鍵的肉質嫩腍，極致豐富的牛味很濃郁，口感結實富有嚼勁，帶有獨特的粗獷風味。非常受歡迎的牛排部位，還有逆紋切斷它的長纖維，這是讓它變得容易咀嚼的絕對關鍵。青醬帶子螺絲粉🍝青醬是整碟意粉的靈魂，濃郁的羅勒清香很清爽加入忌廉乳酪很有意式風味，味道層次非常豐富。螺絲粉煙煙韌韌吸滿醬汁加入菇菌，味道很有草本氣息。新鮮帶子煎得很焦香外脆內嫩的口感，味道鮮甜軟嫩無比的狀態。Cheese Cake🍰芝士蛋糕🧀口感扎實醇厚，芝士味道甜滑奶香味濃極其豐富，餅底酥脆很有層次感。Latte☕️在拿鐵中牛奶並非配角，而是與咖啡平分秋色的主角。經過蒸汽打發後，牛奶會發生美拉德反應，其風味被徹底激發，口感絲絨般順滑，喝完後口中會留下持久的奶香和一絲咖啡的甘醇味。…查看更多

賞島咖啡屋海鮮龍蝦湯海鮮龍蝦湯濃郁香滑，質地creamy。加上蜆同香草，更突出海鮮風味，層次更豐富，令人暖心。慢煮雞胸柚子汁沙律慢煮雞胸肉，肉質鮮嫩而且多汁，搭配柚子汁嘅清新酸甜，平衡咗整體嘅口感。新鮮嘅蔬菜增添咗色彩同口感，令人感受到健康與美味嘅完美結合。西京燒比目魚比目魚肉質鮮嫩，西京味噌醬嘅甜美份外突出。西京燒比目魚魚肉外焦內嫩，散發出誘人嘅香氣，令人難忘。海膽味噌蟹肉意大利麵意粉加上海膽，十分搶眼，味道濃烈。蟹肉新鮮感更為其增色不少。麵條煮得恰到好處，吸收咗濃郁嘅醬汁，口感滑順，讓人回味無窮。紫菜，蘑菇，香草嘅點綴，令整個意粉更吸引。TiramisuTiramisu層次分明，咖啡同酒嘅香氣，加上芝士嘅絲滑，甜度適中，非常正宗，令人感受到意大利甜品嘅經典魅力。Honey Yuzu With Lemon 柚子蜂蜜清新解渴，柚子嘅酸同蜂蜜嘅甜恰到好處，熱飲更令人舒適。Yuzu SodaYuzu Soda嘅氣泡感十足，清新嘅柚子風味十分提神，適合作為餐後嘅消暑飲品，解暑又令人心情愉悅。…查看更多