黑木亭居酒屋 (金馬倫道)

💡型格Live Band 居酒屋✨ 今晚嚟到尖沙咀嘅『黑木亭居酒屋』，超chill嘅氣氛同日式格調裝潢即刻俘虜咗我嘅心❤️。每晚都有live band同busking表演，音樂、食物同特色飲品嘅配搭，簡直perfect！✨ 店內燈光柔和，有種置身日本小巷居酒屋嘅feel，超適合朋友聚餐、約會或者一個人放鬆享受夜晚。今期有本月推薦menu, 主打A5宮崎和牛，必點。🥩 A5宮崎和牛100g＋爽脆豚肉片150g（請勿打擾*熊之壽喜鍋）用料超豪華！A5宮崎和牛入口即化，牛肉嘅脂香濃郁，加埋豚肉片嘅爽脆口感，配上濃厚嘅壽喜汁，味道正。🍣 廚師發辦壽司（8貫） 每一貫壽司都充滿驚喜，魚生新鮮，配搭豐富而細膩，有入口即化嘅吞拿魚、鮮甜嘅三文魚同北海道帶子，口感層次好豐富！🍠 薯茄 呢個甜品創意爆棚，造型似雪茄，入面係軟滑嘅香甜薯蓉，外層薄薄脆脆，帶有朱古力香味，視覺味覺享受！🍹紫幻檸檬青瓜梳打｜紅火龍佛手柑熊茶 兩款特飲都超高顏值，紫幻青瓜梳打清爽怡人，青瓜同檸檬味融合，飲落超fresh～ 紅火龍佛手柑熊茶有淡淡果香，仲有超可愛嘅小熊冰磚，打卡必點！📸