Day One Cafe (駱駝漆大廈第三座)

營業中

休息中

今日放工去左觀塘睇錶，睇完之後發現同層有間樓上cafe，時間唔早，咁就不如食埋晚飯。餐廳差不多坐滿人，空間感大，裝修以黑及灰色系為主，牆身油上灰色藝術牆，並掛上掛畫，走型格路線。餐牌選擇多，我點左個牛扒，叫主菜飲品可減$15，另外再加多個甜品。 香煎澳洲草飼肉眼扒配薯蓉：叫咗六成熟，廚師好細心，牛扒已切開一塊塊，佢用左慢煮烹調方法，鎖住肉汁，牛味重，口感厚實，唔韌，簡簡單單用左海鹽同黑椒調味已經好好食。另外薯蓉都已調味，鹹鹹地，幾好。鮮牛油果沙冰：色澤翠綠，質感綿滑，口感清新細膩，creamy，好smooth，幾好飲。提拉米蘇：自家製無酒精tiramisu，中間有兩層espresso比較濃，食落有層次感，苦中有甜，濕潤，唔錯。