The Pearl

餐廳以型格暗黑風，感覺好似係間美術館到用餐，氣氛好舒服，非常適合黎慶祝生日/約會，可以慢慢傾偈好地方，仲有戶外位置。食物質素相當好，每樣都好滿意，Cocktail更令人眼前一亮。侍應服務好好，非常友善。✨密瓜帕馬火腿沙律配巴馬臣芝士分量相當大分，密瓜清爽香甜，配柔軟鹹香火腿，仲有黑醋橄欖油配菜律，相當清新開胃。✨和風醬油大蝦煙肉扁意粉大蝦新鮮彈牙，煙肉鹹香配上醬油香夾得好好，味道濃厚適中，完全唔會過鹹，相當驚艷。✨香煎牛封門柳相當嫩口，肉質鮮美，生熟程度控制得好好，唔乾鞋，配搭青醬食即刻提升整體味道，要大讚薯蓉軟滑綿綿。✨Paradise飲落好清甜，非常易入口，好似冰糖雪梨咁清新怡人。✨Wandering voyage 酒味濃，面層奶蓋係椰奶同斑蘭，香味濃郁帶點清甜，感覺好似食緊椰汁糕，好有泰國夏日感覺。