影片
更多
2021-12-24
411 瀏覽
全港唯一米芝蓮一星既印度餐廳，呢間餐廳我一直都想試，見到某位Foodie推薦先決定去。夜晚食既話餐廳有最低消費每人$700，同埋如果網上訂位既話，No show會每人罰$800，好少見餐廳咁嚴格。成個用餐體驗坐過山車咁，有驚喜有中伏Samosa Chaat ($198)外表睇唔出係咖喱角，咖喱角微脆，餡料豆蓉薯蓉好豐富，配埋表面由乳酪、石榴、洋蔥做既酸甜醬汁，令咖喱角層次提升左好多，好出色既前菜😝Keema Pau ($228)羊肉碎香濃，有小小羶味，同表面既薯仔絲好夾。麵包鬆軟，烘得微脆，最驚喜係麵包既牛油味好香，單獨食已經好出色，夾著羊肉碎一齊食真係不得了😍Tandoori Cobia ($428)烤懵仔魚，烤得好香脆，肉質肥美嫩滑，配埋旁邊既酸辣蕃茄醬一齊食更正😝Tandoori Venison ($688)烤鹿肉，我第一次食鹿肉，肉表面烤得焦香，香料味道複雜，肉中心係赤紅色，相當軟嫩，口感好似食緊吞拿魚赤身，鹿肉既味道好難形容，只能講有小小似牛肉。出色既香料加上肉獨特既味道，好食到停唔到😍食到呢度我都好滿意，每樣菜式都好驚艷，但之後就係災難既開始🙈Tandoori Vegeta
Samosa Chaat ($198)
外表睇唔出係咖喱角，咖喱角微脆，餡料豆蓉薯蓉好豐富，配埋表面由乳酪、石榴、洋蔥做既酸甜醬汁，令咖喱角層次提升左好多，好出色既前菜😝
5 瀏覽
2 讚好
0 留言
Keema Pau ($228)
羊肉碎香濃，有小小羶味，同表面既薯仔絲好夾。麵包鬆軟，烘得微脆，最驚喜係麵包既牛油味好香，單獨食已經好出色，夾著羊肉碎一齊食真係不得了😍
2 瀏覽
1 讚好
0 留言
Tandoori Cobia ($428)
烤懵仔魚，烤得好香脆，肉質肥美嫩滑，配埋旁邊既酸辣蕃茄醬一齊食更正😝
6 瀏覽
1 讚好
0 留言
Tandoori Venison ($688)
烤鹿肉，我第一次食鹿肉，肉表面烤得焦香，香料味道複雜，肉中心係赤紅色，相當軟嫩，口感好似食緊吞拿魚赤身，鹿肉既味道好難形容，只能講有小小似牛肉。出色既香料加上肉獨特既味道，好食到停唔到😍
13 瀏覽
2 讚好
0 留言
3 瀏覽
1 讚好
0 留言
食到呢度我都好滿意，每樣菜式都好驚艷，但之後就係災難既開始🙈
Tandoori Vegetable ($198)
烤舞茸，菇味唔濃，烤既香氣淡薄，調味過咸
5 瀏覽
1 讚好
0 留言
Bade Ka Gosht ($368)
牛尾咖喱，牛尾軟淋入味，咖喱牛味唔錯，但香料味道太單調，咖喱質感亦比較稀，配Naan一齊食好容易跌哂咖喱汁
5 瀏覽
1 讚好
0 留言
🤮Mughal Room Makhani ($278)🤮
好難食，係我係印度餐廳食過最難食既咖喱雞🤮雞肉超乾超鞋，我唔知雞肉要點煮先可以整到咁劣既質感，白烚都滑過佢，仲要完全冇雞味，雞肉質素咁垃圾就醃下佢啦，最慘連咖喱味都滲唔到入去。咖喱完全冇特色，香料層次唔豐富，由於雞肉太劣所以亦都冇肉味
平時野食幾難食我都唔會浪費，但呢個咖喱雞係真係難食過學校Canteen，連吞都吞唔落，所以我叫啲朋友唔好再食。之後侍應問我地野食好唔好食，我就同佢講咖喱同雞都好難食，食淨左一半，而侍應好識做咁waive左👍🏻
5 瀏覽
2 讚好
0 留言
Butter Naan ($88)
烤得唔脆，上台時只係微暖，麵粉同牛油香氣好淡😓
8 瀏覽
1 讚好
0 留言
Peshwari Naan ($128)
呢個係一款甜既Naan，餅皮夾著椰絲、提子乾、果仁等等既餡料，果乾同椰絲甜味好出色，唔需要點咖喱我都可以食哂佢😋
10 瀏覽
1 讚好
0 留言
Sticky Toffee Pudding ($158)
拖肥醬稍甜，蛋糕幾鬆軟，質地似馬拉榚😂配埋雪糕食冷熱口感幾正
6 瀏覽
1 讚好
0 留言
餐廳烤既菜式好出色，但咖喱同烤餅完全唔值呢個價錢，咖喱雞仲要係劣食。服務好好，冇諗過會咁好唔計咖喱雞既錢，真係會聽客人既意見，所以我絕對會再黎食
價錢: $745/位 (有加一)
環境: 8/10
味道: 8.5/10
性價比: 8/10
張貼
