Lilium

營業中

休息中

今日去新公司簽約後就決定食個豐盛下午茶滿足下，呢間餐廳喺巷仔入面,位置闊落,裝修用色都幾潮。叫咗生煎包（$28）同埋小鹵水拼盤($68)生煎包一客6隻，同平時食開嘅唔同,佢呢度係比較細粒同埋似係炸出嚟，但食起嚟就多一份脆口同埋入面都好多汁，幾特別。至於個小滷水拼盤有雞翼,鴨腎,大腸,豬耳,蛋或者豆腐可以揀三樣，我揀左大腸，蛋同雞翼。鹵水非常之入味，雞翼食落好香濃嘅味道，大腸就真係夠曬邪惡，肥美，淋得嚟又有咬口，加埋隻糖心蛋，伴碟仲有少少沙律，好味又滿足。最後要杯清新嘅蝶豆花茶，解解膩。員工出奇地好有禮貌，讚。