影片
更多
2021-12-03
1419 瀏覽
因為某人要我陪佢去將軍澳交收,因為某人個交收改左時間而冇話我知,於是我就一個人戇居居企左係將軍澳中心...漫無目的遊蕩,突然諗起佢收線前果句"請你食飯補數",一於獨食一餐入佢數!一抬頭就見到隻牛頭...門口menu 上寫每g幾錢,加$28有set,6樣野入面可以揀3樣野,仲可以加錢要波子汽水或飲啤酒,另外都有丼飯餐可選,限定商品放係收銀前面.就係門口隔離就有個玻璃櫃,將肉肉展示比大家睇,睇啱就可以落單啦.我要左300g牛柳,其實都唔知係幾多,要蒜油,套餐要溫泉蛋,沙津同要蘋果汁.$155落完單,搵位坐低,哩度坐得幾舒服,等左十分鐘左右,有得食.鐵板吱吱聲,蒜味勁香,300g牛柳,分左兩件,一厚一薄,立即先食薄果件,怕overcook,個鐵板真係好熱,d 粟米同蒜頭燒一陣就要撥埋一邊,唔係好易燶,影響味道.切開薄果件,肉汁流曬出黎,果然係要即食.好軟好焾,我箍緊牙都好易食到,估唔到咁易,哈哈. 沙津有蕃茄仔,椰菜絲,紅蘿蔔絲~配芝麻沙津汁.溫泉蛋有討厭既蔥花,比我撥走左啦,有七味粉,滑滑蛋汁有d 刺激.跟住食厚果件牛柳啦,切開有大量肉汁流出,鮮粉紅既肉肉軟綿綿,食到最尾都仲係粉紅肉肉.不
因為某人個交收改左時間而冇話我知,
於是我就一個人戇居居企左係將軍澳中心...
漫無目的遊蕩,
突然諗起佢收線前果句"請你食飯補數",
一於獨食一餐入佢數!
一抬頭就見到隻牛頭...
門口menu 上寫每g幾錢,加$28有set,
6樣野入面可以揀3樣野,
仲可以加錢要波子汽水或飲啤酒,
另外都有丼飯餐可選,
限定商品放係收銀前面.
就係門口隔離就有個玻璃櫃,
將肉肉展示比大家睇,
睇啱就可以落單啦.
我要左300g牛柳,
其實都唔知係幾多,
要蒜油,套餐要溫泉蛋,
沙津同要蘋果汁.$155
落完單,搵位坐低,哩度坐得幾舒服,
等左十分鐘左右,有得食.
鐵板吱吱聲,蒜味勁香,
300g牛柳餐
11 瀏覽
0 讚好
0 留言
300g牛柳,分左兩件,一厚一薄,
立即先食薄果件,怕overcook,
個鐵板真係好熱,
d 粟米同蒜頭燒一陣就要撥埋一邊,
唔係好易燶,影響味道.
300g牛柳餐
8 瀏覽
0 讚好
0 留言
切開薄果件,肉汁流曬出黎,果然係要即食.
好軟好焾,我箍緊牙都好易食到,
估唔到咁易,哈哈.
300g牛柳餐
17 瀏覽
0 讚好
0 留言
沙津有蕃茄仔,椰菜絲,紅蘿蔔絲~
配芝麻沙津汁.
300g牛柳餐
10 瀏覽
0 讚好
0 留言
溫泉蛋有討厭既蔥花,
比我撥走左啦,有七味粉,
滑滑蛋汁有d 刺激.
300g牛柳餐
15 瀏覽
0 讚好
0 留言
跟住食厚果件牛柳啦,
切開有大量肉汁流出,
鮮粉紅既肉肉軟綿綿,
300g牛柳餐
6 瀏覽
0 讚好
0 留言
食到最尾都仲係粉紅肉肉.
不過真係要注意薄既肉真係要快手食.
300g牛柳餐
8 瀏覽
0 讚好
0 留言
食完坐左陣有d 眼訓...張櫈真係幾好坐.
300g原來唔係好多,我應該食到400XD?
張貼
