番茄18 (觀塘工業中心第四期)

營業中

休息中

想食間類似冰室嘅餐廳，係觀塘附近搵到間叫做番茄18嘅餐廳就決定去試吓，本身以為喺觀塘工業區可能會比較遠，但係食完之後發覺原來仲方便過去APM食。因為佢就係喺地鐵站出口行多1分鐘到，但如果喺APM食，出左地鐵站之後仲要上去四-五樓，所以蕃茄18嘅地點其實都幾方便。再睇佢有咩食，見一到佢其實有早餐午餐同下午茶，而且又係勁多選擇，所以今次叫咗佢嘅招牌菜，招牌胡椒豬肚雞湯米線，佢都幾香胡椒味，如果冬天食都幾暖胃，都多料，有好多豬肚同埋雞。餐飲配咗杯華田脆脆，見到已經急不及待食啖脆脆，之後先記得要影相，你就知佢個外貌係幾吸引，都好香華田味同埋啲脆脆都幾好，入口即溶。另外試多個佢嘅招牌菜，招牌木碎花生多士，鍾意食碎花生嘅絕對唔可以錯過啲個，佢真係好多花生碎同埋花生醬，果然係招牌菜。最後見到招牌推介，又叫多咗五隻炸雞翼，即叫即炸，熱辣辣，幾好食，用黎送麵都幾好味。最後，真係唔好俾佢個地址呃咗，其實真係好方便，而且下午茶時間都幾多人，價錢黎講又唔係好貴，食物都好多選擇，員工又helpful 環境又坐得舒服，所以如果係觀塘附近都可以試吓。