沾仔記麵食

營業中

休息中

雲吞麵係香港人既 comfort food。 今日行過佐敦，見到呢間傳統嘅麵鋪，就入去試下。店內裝修好有香港味道，係老字號，餐牌選擇唔多，但貴精不貴多，有佢哋嘅招牌菜式，雲吞同蝦子麵，品嚐一下地道嘅風味！1）（雙拼）雲吞新鮮牛肉蝦子粗麵（配湯）及（撈粗）- 一上枱無論係湯麵同撈麵都蝦子滿滿，一碗放落高湯中，味道鮮甜，另一碗撈麵，麵條掛滿蝦子，鹹香美味，麵質彈牙。雲吞好大粒，皮薄餡靚，入面有幾隻蝦，夾埋豬肉，咬落去口感豐富。牛肉採用騸古牛，肉質鮮嫩，好滑。食落去啖啖嘅滿足感！2）酥炸鯪魚球 （三粒）- 製作需時，但一上檯，香氣十足，鯪魚球大大舊，爽口彈牙，外皮脆口，配上蜆介汁，味道一流！食雲吞麵配可樂，簡簡單單嘅配搭，就係最滿足！