影片
營業時間
今日營業
10:30 - 19:15
星期一至六
10:30 - 19:15
星期日
10:30 - 16:00
以上資料只供參考, 請與餐廳確認詳情
餐廳：沾仔記麵食地點：佐敦廟街菜式：麵餐牌：湯麵（麵，河，米），輕食，飲品，外賣生料，火鍋配料三拼淨食 $47三拼淨食有鮮蝦雲吞三隻，鮮鯪魚球三大隻同新鮮牛肉好幾片。鮮蝦雲吞皮薄餡料爽脆，見到唔少蝦肉。鮮鯪魚球好鮮味而口感滑溜彈牙，絕對係啖啖肉。新鮮牛肉都係好彈牙同啖啖肉。三樣材料都好食！加有韭黃段。淨食比配麪至少多鮮蝦雲吞鮮鯪魚球各一隻。鮮蝦雲吞鮮鯪魚球雙拼麵 $42雙拼可三樣任楝兩樣，鮮蝦雲吞鮮鯪魚球各有兩粒。麵係幼身，有蛋香又有咬口，係完美口感。配紅醋食一流！拼菜 $6拼菜有生菜，通菜同菜心揀。通菜份量好多，差唔多有半碗。時令油菜 $26時令油菜係豆苗，翠綠嫩口，加左少少蠔油就夠味。份量足有一碗。郊外油菜 $18郊外油菜有生菜，通菜同菜心揀。生菜份量足有一碗，加左少少蠔油就夠味。玻璃樽裝可樂 $8服務員即刻喺你面前開，仲附上紙飲管。食物質素唔錯，餐廳地方乾淨，裝修光猛，唔怪之得平日午餐時間都好滿，仲有遊客。
繼續閱讀
最近去咗佐敦嘅「沾仔記麵食」食麵，餐廳環境裝修簡約，餐牌簡單，主食上嘅選擇精而簡，小食款式亦只係出售兩款招牌產品，但已足以品嚐到香港風味的美食。單拼轉蝦籽撈麵（單點$47），鮮鯪魚球，好大粒，口感彈牙，內有香蔥，毫無細骨，食落有鮮味，配以蜆蚧；高湯採用豬骨、蝦籽、大地魚乾製作，湯底顏色清澈，味道清甜，內有韮黃；蝦籽撈麵，麵條口感幼身，掛滿蝦籽，味道鹹鮮，配菜包括有唐生菜。雙拼幼麵（單點$41），新鮮牛肉鮮蝦雲吞幼麵，新鮮牛肉，採用鮮騸牯牛肉製作，牛肉色澤粉嫩，肉質厚嫩，略嫌口感食落類似滑牛肉，牛味濃厚；鮮蝦雲吞，好足料，皮薄餡多，鮮蝦、豬肉比例適中，內有3隻鮮蝦，肉質爽口，味道鮮甜；幼麵採用全蛋竹昇麵製作，口感條條分明，食落帶有蛋香味道，鹼水味道微弱。大份五粒甜酸炸雲吞（單點$45），即叫即炸，雲吞皮炸得金黃酥脆，食落並不油膩，配以甜酸醬食用，味道酸甜，略嫌餡料份量比較少。小份三粒蜆蚧鯪魚球（單點$30），鯪魚球內有陳皮、香蔥，蜆蚧醬汁內有泥蜆，泥蜆肉質飽滿，口感滑溜，略嫌蜆蚧酒香味道過於濃郁、發酵味道偏重。郊外油菜（單點$18），腐乳通菜，通菜口感爽脆，腐乳口感濃稠，味道鹹香。低糖豆漿（單點$8），飲落無渣，豆香味濃，甜度適中。津路烏龍茶（單點$8），茶味濃香。
繼續閱讀
每次想食雲吞麵就會諗起沾仔記，經過諗唔到食咩就會返碗🤤佢哋除咗雲吞大大粒好足料之外，仲有鯪魚球都好大粒，好重秤👍🏻仲有都會叫埋炸鯪魚球，呢度有得揀3粒同5粒，怕太飽3粒就剛剛好了😋仲有佢哋招牌蝦籽麵都要食🤩加$12就可以食到，會配埋一碗無味精既湯，太乾可以飲啖湯滋潤下😆今次試埋佢哋既牛肉，口感鮮嫩多汁，每人都叫兩款再share嚟食，又可以試到唔同嘅野食，多好👍🏻每次聽到有通菜都會嗌一碟，加埋腐乳係絕配組合😍
繼續閱讀
今日我同老公經過廟街，入左去一間好出名嘅店舖食三拼麵🍜🌸蝦籽撈麵（牛肉+雲吞+ 鯪魚球）老公叫左粗麵，我就叫左幼麵，兩者麵都好好味😋麵身爽口彈牙 ，份量都足夠！湯底都好清甜，我地都叫左3樣配料😊牛肉好腍滑，雲吞皮薄餡靚，入面仲好足料，有好多蝦🍤🤩大大粒鯪魚球，食完都幾飽肚🌸油菜🎀😊上菜速度快，餐廳店員服務態度好友善，抵讚👍🏻！呢間餐廳性價比幾高，份量都足夠，幾好，下次都會嚟食！！
繼續閱讀
📍 沾仔記麵食 Jim Chai Kee Noodle🌍佐敦廟街300號地舖 G/F, 300 Temple Street, Jordan📝整體評分：９／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝沾仔記一家以懷舊港式風味聞名的老式麵食店，環境懷舊，價格親民，座位非常有限，但換桌快！✿ 三拼以雲吞、鮮牛肉和鯪魚球三寶為招牌• 鮮蝦雲吞：乒乓球咁大，每粒雲吞包住3-5隻大蝦，搭配少量豬肉，皮薄餡多，蝦肉的鮮甜與微量肥豬肉的油香完美結合，蝦肉爽脆彈牙，鮮味突出• 鮮牛肉：色澤粉嫩，口感嫩滑，牛味濃郁，質地似滑牛，搭配湯底更顯鮮甜。鯪魚球：成個雞蛋咁大，香蔥或陳皮，有細骨但不影響，魚味濃郁，唔會成舊粉咁. • 湯底好明顯大地魚乾味道，清澈而甜美，帶淡淡海鮮香，清而不寡，濃而不膩，好易飲盡。✿蜆蚧炸鯪魚球• 蜆蚧醬汁帶好濃郁鹹香和酒香，勁重口味，唔係人人都接受到。係選擇少左啲，小食同主食餸菜差不多，只係煮法不同~
繼續閱讀
您可能會有興趣的...