風車

營業中

休息中

大圍站都有好多好嘢食，但係西餐廳就唔係好多，通常都係去食小食，不過今日咁啱經過大圍，就嚟試吓呢間餐廳。佢哋食物嘅選擇都幾多，午餐見到佢哋嘅漢堡好似好好食，所以我哋就叫咗一個漢堡同埋一個千層麵試吓。一如以往，西式餐廳通常都會上個沙律菜同埋細湯，佢哋嘅細湯就係洋蔥湯，沙律菜淋上醋一齊食，酸酸地好開胃。先來個豬扒包，豬扒包都幾厚，兩塊豬扒夾中間，連埋蕃茄、菜、芝士一齊食，豬扒好Juicy，另外好欣賞就係佢個包，佢個包唔係普通嘅法包，個包皮好煙韌，整體好好食。另外個千層麵配上芝士一齊焗，好香濃，但係一啲都唔會覺得滯，入面配有翠玉瓜，俾人有種好Fresh既感覺。