啤啤Bear韓國包車 (已結業)

一入到去餐廳就已經覺得好有feel，天花吊咗幾個心型disco波波，再加幾部投籃機，玩味十足！🪩食物嘅款式都算多✨除咗有唔同口味嘅炸雞、辣炒年糕、泡菜炒飯呢啲經典韓國菜之外，亦都有啲特色fusion，例如係黑松露炸醬拉麵。而嘢飲方面嘅選擇都唔少，有唔同口味嘅燒酒、果酒、啤酒等🍻主食方面，今次我地兩個人就嗌咗個芝士鐵板黑松露炸醬拉麵、butter x garlic韓式無骨炸雞、魚糕串串😬如果大家同我地一樣，都係芝士同黑松露嘅愛好者，咁呢個口味嘅炸醬拉麵就絕對好適合你😋黑松露同芝士味唔單止勁夾，仲勁多勁濃郁，差唔多啖啖都麵都食到佢地。而個無骨炸雞都同樣出色！butter同garlic味好出😋個雞都炸得好crispy而且唔會太油！😆個魚糕都唔差，好有咬口，而且浸住個湯好入味😍嘢飲我地就叫咗一杯粉紅西柚特飲同菠蘿冰茶，兩杯都好好飲😆個水果味好fresh！完全唔係化學味，而且唔會太甜🧡