啤啤Bear韓國包車 (已結業)

[ 啤啤Bear韓國包車 ]尖沙咀諾士佛臺 呢間新派韓式🇰🇷餐廳以韓式機舖為主題，更加入霓虹燈光元素，由環境到食物都打卡一流👍。最近仲做緊限時⚠️半價優惠⚠️，「鐵板韓式烤鰻魚配紫菜」只係$98😍！大發！啤啤鐵板系列 ✿ 大發！芝士鐵板黑松露炸醬拉麵 $98 🧀🍜另一款現場鐵板明火爆炒🔥產品，芝士炸醬拉麵本身已經好邪惡，加埋大量黑松露醬，未食已經聞到都好香😍。✿ 大發！芝士鐵板辣炒小章魚 $148🧀🌶🐙爽脆小章魚遇上濃濃芝士、韓式辣醬，再現場用鐵板明火爆炒🔥超惹味。BBB 韓式無骨炸雞 ✿ BUTTER X GARLIC 韓式無骨炸雞 $158 🧈🧄🐔無骨炸雞用岩鹽香蒜牛油醬醃味，外脆內多肉汁，啖啖肉好滋味。炸雞份量超多，夠3-4人分享食用。下酒必備！ ✿ 蟹籽海鮮煎蛋卷 $138 🥚即點即製韓式煎蛋卷，全條鋪滿粒粒脆卜卜嘅蟹籽😯，切開煎蛋卷爆哂餡，海鮮有八爪魚、蜆肉等。 總結🫦 餐廳由門口到用餐區佈置都打卡一流，加埋霓虹燈光元素超有氣氛😁。食物份量普遍都遍多，叫幾款share食啱哂👍。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿啤啤Bear韓國包車地址：尖沙咀諾士佛臺1號8樓電話

深知我口味嘅友人話我知 < 啤啤Bear韓國包車> 有$98 （原價$238）嘅鐵板韓式烤鰻魚食，作為鰻魚控，當然要快啲去試😇一去到<啤啤Bear韓國包車> ，淨係門面已經好似帶咗我去韓國新潮街頭咁，感覺煥然一新😺 入門口，見到更多得意、浮誇嘅裝飾同擺設，配埋播放嘅 party songs，好有氣氛⭐️人氣都好旺，食客個個望落都好歡暢😊 最鍾意店內呢個特色夾公仔機區，為咗呢個擺設，我會揀喺度包場開 party😎 落單唔駛諗，一定要嗌 $98 （原價$238）鐵板韓式烤鰻魚🥳 上菜時，店員教鰻魚每邊燒 1.5 分鐘就得，成塊用3分鐘就燒好，好易玩😉 包埋秘製鰻魚醬、紫菜、沙律菜、麻油加鹽、辣醬同蒜粒嘅，好豐富👏🏻 欣賞店家將最好嘅呈獻俾食客🫶🏻 睇住鰻魚慢慢燒到金黃、聞住油香散發，淨係個過程都令人食指大動🤤 配料份量好多，俾食客可以作各種配搭，搵到自己嘅心水~ 紫菜同鰻魚好夾^^ 鰻魚烤到外皮香脆、肉就彈牙，口感絕佳🤗 肉同脂肪比例好平均，食落富油香但唔會過膩，用不著沙律菜解膩，但沙律菜可以為菜式帶來一份清新 <3 鰻魚配上麻油加鹽，鮮美尤其突出😋 

呢一間韓國餐廳好有風格 入面機舖主題唔同類型嘅遊戲機都有 跳舞機 二人對打etc脆炸魷魚圈作為開胃小食 就最啱得過啦👍🏻我相信係全香港最平嘅烤鰻魚係$98全條鰻魚 仲要係好大條 嚟到嚇親鰻魚鮮味 皮韌肉厚 配埋醬汁一齊燒 好味😍唔鍾意醬汁嘅朋友就咁燒又得👍🏻配菜有紫菜同埋生菜咁樣配搭食冇咁膩金䱽魚部隊鍋 去親韓國都會食部隊鍋 香港好少韓國餐廳會加埋金䱽魚 我都係第一次食呢一個配搭 估唔到有幾好食喎😋入面仲有 翠玉瓜 豆腐 辛辣麵 午餐肉 泡菜煎餅煎得好香脆 濃郁泡菜味 唔會好油膩呢一間餐廳周不時都會推出一樣優惠先前係五花腩 而家係鰻魚唔知下一次係咩呢？

叫咗個烤五花肉配包肉生菜食咗一陣都未有生菜就催一催佢佢先話：唔好意思 今日咁啱冇晒生菜😔 因為個生菜係送嘅所以唔可以補任何嘢俾你😔一來個menu寫明係有生菜 咁何來生菜係送架呢？因為作為消費者俾$168嘅時候 點解要預咗menu上面嘅野係送 俾唔俾都得架原來😅而且如果一早知 明明佢可以喺我哋嗌完之後就同我哋講 轉嗌其他嘢食加上佢本身話俾啲紫菜我地最後見到員工冇野做係到行黎行去 都冇俾我地😅最後嗌嘅鰻魚同五花肉都要就咁食 漏到傻😔因為舊肉本身已經超級肥膩😅之前食過一次$98五花肉任食 上菜超級慢所以根本唔算任食🥹完全係俾啲食評呃咗去🙂🙂

超用心設計，霓虹燈設計、雷射心心，室內機舖作主題，非常適合打卡人士📸 喺諾士佛台玩味十足，人都後生幾年😂🔸鐵板韓式烤鰻魚 $238一盤三行肥美鰻魚😍視覺與味覺雙重享受，絕對值得一試！🔥慢烤享受，每片烤得外酥內嫩，配上鹹甜的韓式調味醬，每一口都感受到滿滿嘅韓式風味。🔸Butter x Garlic無骨炸雞 $158😱震驚😱份量半打🆙，超香牛油味，外脆內嫩，一咬爆汁，配埋燒酒，絕😍🔸泡菜煎餅 $108帶著微辣的泡菜香氣，外層香脆內裡柔軟，讓人一口接一口。搭配的小碗醬汁更是錦上添花，絕對是韓式風味的完美呈現🔥🔸#PARTY燒酒 $68放鬆絕佳選擇！燒酒調和了香甜的菠蘿水果味🍍同濃郁乳酪口感🍶，充滿了清新與順滑的享受，Party Drink🍹

網上見到呢間喺尖沙咀嘅韓式餐廳，超打卡able、好得意，一於黎試吓🤙🏻一到8樓已經見到好靚、好似去左旅行咁嘅影相位，設計好潮好靚，置身於韓國一樣～門口嘅熊啤啤都好得意😎，成間店嘅風格都係玩味重，多街機、遊戲👾🤖✨部隊鍋：超多料！有腸仔有菇有一堆菜，仲估唔到有茄汁焗豆😅 個麵都幾彈牙，真係似喺韓國食咁👍🏻✨芝士鐵板炸醬麵：睇相聽個名就知道幾邪惡！🙂‍↔️ 令人啖啖滿足嘅麵，配埋隻蛋真係Very Good😙✨炸雞：重牛油味，好大份量，預4-5人Share都得！✨蟹籽海鮮蛋卷：好正好足料，都多海鮮，朋友話好好食～飲品選擇都幾多，杯特飲都整得幾好🤙🏻仲有好多小食未有位試😋，但大家睇住自己份量點啊！食唔晒就好浪費ga啦～

趁住假期, 約左朋友係尖沙咀一間韓國餐廳食飯。啤啤Bear韓國包車位於諾士佛臺, 以韓式機舖為主題, 裝修好有特色, 好啱打卡影相。店內播放著k-pop音樂, 氣氛幾好。我哋叫左幾款食物, 鐵板韓式烤鰻魚配紫菜, 鰻魚燒到金黃香脆, 肉質肥美, 食落爽口彈牙, 配上秘製既鰻魚汁, 味道更佳。另外, 韓式white無骨炸雞, 份量好多, 有大約7至8件, 外皮炸到好酥脆, 肉質嫩滑, 配搭忌廉醬食, 十分開胃, 隨碟仲有醃蘿蔔, 酸甜爽口又可解膩。芝士鐵板黑松露炸醬拉麵, 芝士熱溶係鐵板, 撈勻黑松露炸醬麵和流心蛋食, 味道香濃, 拉麵亦煙靱有彈性。我哋成晚都傾左好耐, 呢度食物份量幾多, 好啱一大班朋友黎食飯打卡。

朋友早幾個月食過呢間啤啤Bear 韓國餐廳話好正，入面氣氛超正，餐廳係以機舖為主題，好玩味。今晚行過諾士佛台就嚟捧下場。一出lift 就見到隻藍色大熊🐻，行入去餐廳見用咗好多霓虹燈既裝飾做佈置；餐廳入面仲有籃球機、跳舞機，播住韓國pop music，真係成間機鋪咁好過癮。🥢鐵板韓式烤鰻魚配紫菜$98:原價二百幾蚊，而家做緊優惠價$98就食到大大盤鰻魚，份量其實唔止二人，用鐵板燒原汁原味😋。另外仲有兩款韓式醬料、泡菜、麻油鹽、蒜粒，用生菜同紙菜包住鰻魚粒，再點醬料食一啲都唔滯，口感超正👍🏼🥢秘製辣青口鍋$188大大鍋青口，青口size 有兩款，大大隻，同中size；湯底係秘製嘅辣湯，其他配菜材料都好簡單，有勁多嘅蒜蓉，大蒜等，就調到個湯好鮮味。🥢原味芝心蛋卷$98金黃色既蛋卷上面有蕃茄醬同沙律醬，原味入面夾滿芝士，好飽肚，非常滿足。🥢柚子梳打🍐、菠蘿梳打🍍@$38大大杯，顏色都好靚，食完燒饅魚同辣湯青口，飲返杯超爽，甜甜地好解渴。

鐵板韓式烤鰻魚：份量足料，有三大串。肉質結實彈牙，食落唔腥，有啲小骨，但可以接受。配有泡菜、辣醬、香油、紫菜。用紫菜包住鰻魚同加啲辣醬食，感覺送飯一流。鐵板迷迭香烤五花肉配包肉生菜：肉質肥瘦層次分明，燒烤後唔會油膩。夾埋泡菜生菜包住食，唔會覺得guilty 。泡菜仲可以refill。讚賞佢個燒烤盤係微微傾斜，可以流出多餘嘅油，而且唔易燒焦嘢。Butter x Garlic 韓式無骨炸雞（岩鹽香蒜牛油醬）：有7-8件超級大嚿炸雞，適合一大班食肉獸朋友。外皮酥脆，少少咸我諗係岩鹽，有淡淡蒜香味，唔錯。Breeze（青瓜、鮮檸檬汁、梳打水）：飲落清新有淡淡青瓜味，微酸唔太甜。食燒肉炸雞嘅時候飲啖refresh吓冇咁滯。另外，朋友叫咗Drink me 西柚特飲都話唔錯。成個場都好有氣氛，環境好似90年代嘅機鋪，而且抽風做得唔錯，入面唔會覺得大煙味或者焗。無進餐時間限制，可以一邊慢慢燒一邊傾計。

最近同朋友發現左一間位於諾士佛臺8樓有間韓國菜，真係幾有特色，首先店內以霓虹光為主，又有超大螢幕，重點係有機打，又有跳舞機、射籃球機😆，門口仲有隻2米高的藍色啤啤bear，等你打卡🫰🏻🫰🏻。食韓國菜🇰🇷點可以唔食炸雞，揀左butter x garlic無骨炸雞，未食都聞到好香，外皮好鬆脆，重牛油味，但內裏肉質好Juice、好嫩滑，好鬼正😋。再黎有黑松露炸醬拉麵，嘩！真係人不可以貌相，樣子普普通通，但這個拉麵超好食，黑松露超香，麵質好彈，重點係個拉麵一直用Gas爐熱住，所以芝士溶晒入個麵，撈勻嚟食，口感超得👍🏻。直到最後，個底有芝士一塊塊，好好食。必食推介👍🏻。仲有點左個牛肉大醬湯，基本上你睇韓劇，成日都見到人order，我覺得又係必食的，湯會比較重味，但飲飲下會上癮🤣，因為真係好好味。整體嚟講都係好吸引。絕對會再encore。🫰🏻🫰🏻🫰🏻

今日朋友帶去呢間啤啤bear 韓國包車，係尖咀諾士佛台。 都真係好耐冇黎過，估唔到而家諾士佛台都變左好多。 黎到呢間韓燒真係眼前一亮，滿滿既Y2K氣氛返晒黎。 成間機舖好靚不突只，外面仲有K房，跳舞機，投藍，枱波，最窩心係原來有需要店內仲可以提供一次性雨衣，口罩，女性用品，真係有夠貼心。 同朋友坐底，就見今日有特別優惠既鐵板韓式烤鰻魚配紫菜。 豐富到嘩左出聲，冇諗過原來鰻魚可以咁樣烤黎食，而且佢跟埋既醬料，紫菜同生菜都好match 好好味，真係非常抵。 然後更係要食無骨炸雞，超大件，又juice, 果然係必食。 食炸雞當然要飲啤酒同燒酒，我地叫左柚子啤酒同荔枝燒酒，酒好味，食得好盡興。 仲有叫多個旋風爆蒜韓式豬腳，又係個不一般既體驗， 好香濃又稔身。 咁好食，下次真係要再約多啲人一齊黎食過。

在尖沙咀諾士佛台1號8樓的啤啤Bear韓國包車餐廳用餐，與朋友一起吃晚市菜式。餐廳擺放左機鋪遊戲機，氛圍輕鬆而活潑落單Scan QR Code，十分方便首先，BUTTER GARLIC無骨炸雞絕對是這次用餐的亮點。雞肉外皮酥脆，裡面鮮嫩多汁，搭配的蒜香奶油更是提升了整體風味，讓人一口接一口。這道菜的調味非常到位，既不油膩，又能讓人感受到濃郁的香氣，實在值得一試。接下來的芝士鐵板黑松露炸醬拉麵則展現了餐廳的創意。拉麵的彈性很好，拉絲芝士的味道濃郁，松露的香氣更是讓這道菜獨具風味。不過，對於喜歡傳統韓式拉麵的人來說，這道菜的味道可能太heavy，未必符合所有人的口味。菠蘿梳打是一款清新解渴的飲品，酸甜的味道讓人感到愉悅，與重口味的菜肴搭配相配。但如果對於不喜歡甜飲的人來說，可能會覺得偏甜。大發!鐵板韓式烤鰻魚配紫菜是另一道值得一提的菜式，鰻魚是自助式燒烤，份量十分多，3-4人食相信很足夠口感脆嫩，配上紫菜提鮮，增添了層次感。最後，蟹籽海鮮蛋卷口感好軟滑，蟹籽的鮮香與蛋卷的滑嫩相得益彰，讓人驚喜。整體來說，啤啤Bear韓國包車餐廳提供的晚市菜式多樣而美味，是聚餐傾談的好選擇。

有種去左韓國的感覺！餐廳位置闊落，適合聚會傾偈！都有好多酒選擇！見到其他客人玩酒game 🤣🤣🤣 而且裝修有打卡位置，有鏡同朋友自拍😎😎食物方面都非常正宗！很推薦叫鐵板韓式烤鰻魚！$99（原價$238）一路燒同朋友食飯好有氣氛！ 同都叫左五花肉，包生菜點醬汁食真係好似去咗韓國咁😎😎炸雞同芝士炸醬麵都好好食！炸雞放咗一陣都好脆好好食，雞肉好滑！不過有點意外是份量太多，吃不完要外帶😂😂職員態度非常好！

⭐️限時優惠：98就可以有大大份嘅鰻魚！🍴每一啖都烤到外皮香脆，韓式烤鰻魚嘅精髓就係有超豐富嘅配料俾你DIY配搭！😋鰻魚沾滿秘製鰻魚醬，再包紫菜係至潮搭配！🧂配上麻油加鹽，可以食到鰻魚本身嘅風味！🥢烤香咗蒜粒，再包埋泡菜同韓式辣醬喺生菜入面一齊食，簡直係經典絕配！漸漸進入冬季，餐廳一口氣更推出左3️⃣款下酒湯鍋，包括秘製辣青口鍋 、金槍魚泡菜部隊鍋同埋牛肉大醬湯！我就幫大家揀咗平時比較易入口嘅部隊鍋最適合一班人朋友一齊過嚟食㗎啦！💪🏻♥️

鐵板迷迭香烤五花肉 配包肉生菜五花肉經過精心烤制，外焦內嫩，香氣四溢。迷迭香的香味與肉質完美融合，增添了獨特的風味。搭配新鮮的包肉生菜，每一口都能享受到肉的鮮嫩與生菜的清脆，口感層次分明。這道菜不僅美味，非常適合與朋友分享！大發！芝士鐵板黑松露炸醬拉麵芝士鐵板黑松露炸醬拉麵是一道極具創意的美食。拉麵煮得恰到好處，口感彈牙，搭配濃郁的炸醬，味道深厚。黑松露的香氣在每一口中都能感受到，增添了奢華的層次。芝士融化後的絲滑感，與炸醬和拉麵完美結合，讓整道菜變得更加豐富。每一口都是味蕾的享受，令人忍不住想再來一碗！這道拉麵無疑是芝士與黑松露愛好者的夢幻之選。BUTTER X GARLIC 無骨炸雞炸雞外皮金黃酥脆，內部肉質鮮嫩多汁。蒜香和奶油的完美結合，讓每一口都充滿濃郁的香氣調味恰到好處，既不過於油膩，又讓人感受到香蒜的獨特風味。無骨設計讓食用更加方便，適合聚會或隨時享用。這道炸雞不僅美味，還讓人感受到滿滿的幸福感，絕對是雞肉愛好者的心頭好！