炳記茶檔

營業中

休息中

炳記茶檔 去開天后做野，行下行下就過到黎。呢條街既茶餐廳都好地道，好多人尊登過黎食。難得唔洗尊登都來到，就試試。原來下午三點半就收檔，最遲三點要落單。好彩你兩點半黎到，仲有時間慢慢食。雖然落微微雨，但都要排隊，可能過左食飯時間，大概十分鐘就有位，因為一個人食，所以要搭枱。露天大排檔，鐵皮棚，簡陋環境。比起連鎖茶餐廳，呢到好麻甩，但更地道。野食更有鑊氣同風味。我地叫左:招牌黑椒豬扒出前一丁 真係好好食！黑椒好入味，豬扒好淋，而且有好多塊，真正既良心小店。不過麵就有小小淋左。凍奶茶 整體口感比較淡，唔算太特別。牛肉雞蛋三明治好食！烘底麵包卜卜趣，又唔會太燶。裡面的雞蛋唔係全熟，有啲流心狀態，牛肉好淋，鹹鹹既味道，加埋一齊好好食。呢啲茶餐廳真係唔係周圍都有得食，希望可以保留耐啲。