影片
更多
2017-03-07
488 瀏覽
自從暑假返完我"家鄉"泡菜國之後，一直都好掛住家鄉菜。呢晚終於忍唔住要去食返餐韓國野^_^ 呢間Bingo & Cook好新淨，樓底高，工業風裝潢，半開放式廚房，好似真係置身於韓國餐廳裏面！前菜: 沙律配蜂蜜柚子汁&酸蘿蔔沙律有菠蘿粒同車厘茄，酸酸甜甜既生果味道同蜂蜜柚子汁好匹配，夠哂清新同開胃！眾所周知韓國菜都較為重口味，食一兩舊雞再夾下酸蘿蔔幫助消滯。忌廉芝士炒年糕 ($150)上菜時，侍應拎左個爐黎幫我地撻返個火興熱煱toppoki。有個爐係唔同啲，見住d食物烚下烚下，特別興奮，而且d食物熱辣辣食起上黎都零舍好味！炒年糕鍋裏面有雞肉、雞蛋、魚糕同煙煙韌韌既韓式年糕，配埋洋蔥同蔥段，超香！個忌廉芝士汁好滑，味道似卡邦尼既白汁，但質地唔會太杰，所以食起上黎都唔怕膩。同韓國餐廳一樣，會有侍應走過黎serve，幫我地兜下啲年糕，以免癡底。韓式無骨醤油烤雞 ($158)食韓國野，點可以無炸/烤雞坐陣？今次無叫到最經典既炸雞，而係點左啖啖肉既烤雞。個烤雞烤得好靚，啲皮係金黃色，食落好脆口。就咁食經醬油烹調既雞件已經好入味，而且雞件上面都落左唔少芝士粒; 但係邊食邊點嗰四個醬會更加滋味，我個人
前菜: 沙律配蜂蜜柚子汁&酸蘿蔔沙律有菠蘿粒同車厘茄，酸酸甜甜既生果味道同蜂蜜柚子汁好匹配，夠哂清新同開胃！眾所周知韓國菜都較為重口味，食一兩舊雞再夾下酸蘿蔔幫助消滯。
忌廉芝士炒年糕 ($150)上菜時，侍應拎左個爐黎幫我地撻返個火興熱煱toppoki。有個爐係唔同啲，見住d食物烚下烚下，特別興奮，而且d食物熱辣辣食起上黎都零舍好味！炒年糕鍋裏面有雞肉、雞蛋、魚糕同煙煙韌韌既韓式年糕，配埋洋蔥同蔥段，超香！個忌廉芝士汁好滑，味道似卡邦尼既白汁，但質地唔會太杰，所以食起上黎都唔怕膩。同韓國餐廳一樣，會有侍應走過黎serve，幫我地兜下啲年糕，以免癡底。
韓式無骨醤油烤雞 ($158)食韓國野，點可以無炸/烤雞坐陣？今次無叫到最經典既炸雞，而係點左啖啖肉既烤雞。個烤雞烤得好靚，啲皮係金黃色，食落好脆口。就咁食經醬油烹調既雞件已經好入味，而且雞件上面都落左唔少芝士粒; 但係邊食邊點嗰四個醬會更加滋味，我個人最鍾意Sour Cream同Mustard醬!
柚子沙冰 ($56)柚子沙冰由韓國蜂蜜柚子醬同冰粒打成，飲落有一粒粒柚子碎粒，解渴解滯。
綠茶刨冰 ($78)最令我意外驚喜係呢個甜品，出奇地整得非常有水準！自認自己係綠茶痴，係香港都食過唔少韓國綠茶冰，但好少有餐廳可以整到似係韓國食既牛奶冰。呢度既牛奶冰係我食過最香濃既一個，甜度足，而且啲冰刨得夠幼滑。最滿意係用上既綠茶粉夠濃夠甘，甜甜地既紅豆蓉中和返綠茶粉既草澀味，非常好食！
能夠食到咁有水準的綠茶甜品作結，呢餐家鄉菜真係令我非常滿足！下次希望可以encore下個蜜瓜刨冰同炸雞
張貼
