影片
更多
2023-08-12
112 瀏覽
今次再次encore呢間泰國菜，之前衝着佢個泰式沾麵去，今次衝住佢個咖喱炒蟹！呢間泰國菜菜式幾特別，有少少fusion嘅感覺，對味道嘅層次感，要求更加高！餐廳嘅裝修環境都幾有氣氛，有一幅大大嘅壁畫，裝修偏向工業風格，頗有質感，打卡唔錯，都幾適合嚟傾偈或者大時大節慶祝～🔖如果想試咖喱炒蟹嘅朋友仔，記得早一日打電話去同餐廳留定一隻蟹，唔係食檸檬就唔好啦～------------------------------🦀◖Asura’s 咖哩炒蟹◗ $518佢個咖喱炒蟹要早一日訂定，用上新鮮肉蟹，啖啖肉，肉質緊實鮮甜，加上咖喱兜炒過，更香口惹味！個咖喱底仲有好多滑蛋、三色椒同洋蔥，令咖喱底好有風味，炒到隻蟹都好有鑊氣，好食！🐂◖一滴不留招牌船麵◗ $118船麵個湯底好稠身，滿滿嘅骨湯味道，配料幾多下，有牛肉片、魚蛋、炸豬皮嗰啲，特別鍾意佢上面兩大片牛肉，有返一定厚度幾有咬口，而且肥瘦均勻，充滿牛香；個米粉底都幾細滑，爽脆有咬口，掛滿晒啲骨湯，味道都唔錯，食完啲面之後真係一滴湯都冇剩！🍜◖泰式沾麵◗ $18本身驚過咖喱蟹太少，叫多咗個沾麵去填飽個肚仔，點知原來都唔使～將個沾麵放咗落個咖喱蟹道
🔖如果想試咖喱炒蟹嘅朋友仔，記得早一日打電話去同餐廳留定一隻蟹，唔係食檸檬就唔好啦～
------------------------------
🦀◖Asura’s 咖哩炒蟹◗ $518
佢個咖喱炒蟹要早一日訂定，用上新鮮肉蟹，啖啖肉，肉質緊實鮮甜，加上咖喱兜炒過，更香口惹味！個咖喱底仲有好多滑蛋、三色椒同洋蔥，令咖喱底好有風味，炒到隻蟹都好有鑊氣，好食！
🐂◖一滴不留招牌船麵◗ $118
船麵個湯底好稠身，滿滿嘅骨湯味道，配料幾多下，有牛肉片、魚蛋、炸豬皮嗰啲，特別鍾意佢上面兩大片牛肉，有返一定厚度幾有咬口，而且肥瘦均勻，充滿牛香；個米粉底都幾細滑，爽脆有咬口，掛滿晒啲骨湯，味道都唔錯，食完啲面之後真係一滴湯都冇剩！
🍜◖泰式沾麵◗ $18
本身驚過咖喱蟹太少，叫多咗個沾麵去填飽個肚仔，點知原來都唔使～將個沾麵放咗落個咖喱蟹道撈勻，索晒啲咖喱汁，夠晒軟滑～
🍹◖粉紅梳打◗ $42
淡淡嘅粉紅色幾靚，帶有少少士多啤梨味，幾解渴，但個人都係鍾意檸檬梳打多啲～
🌟Encore指數：9/10
張貼
