隆姐泰國美食館

營業中

休息中

朋友聚會想食泰國嘢，一定係嚟九龍城～今次由朋友介紹呢間隆姐都係第一次嚟，都真係幾好食😍😍四個人食～1千頭埋單～每人250左右～好的又飽肚！門口都幾多人下㗎，好彩唔使排隊啱啱好有位，不過啲位置都真係幾逼夾，最值得推介就係個軟殼蟹咖喱包！！個咖喱重椰香味，另外個殼蟹都炸得好香～同埋個包係極度鬆脆，點埋啲咖喱汁係一流呢個係必食系列，冬陰功湯，豬頸肉，雜錦串燒，仲有另外一個生嘅物體我唔食嘅(Cx)唔知乜嚟，除咗嗰個我唔食嘅嘢，其他都好好味！仲有個燒魷魚，應該係炭燒魷魚筒，點埋個辣醬都好好食～再追加咗生蝦🍤食到飽！