隆姐泰國美食館

營業中

休息中

九龍城好多泰國餐廳，但試幾間都係要嚟隆姐泰國😂泰好味、泰正宗😋餐廳基本都係泰國人主理，全日免收加一，六點後只收$2 泰實惠👍六點已經開始要排隊🌟泰式凍奶茶好正宗，奶味重，味道跟泰國飲奶茶一樣🤤🌟海南雞半隻🐓冇骨海南雞，肥瘦適中，雞皮爽口，雞肉嫩滑，醮上泰色雞醬，另雞味提升😋🌟泰式明爐烏魚🐟整條烏魚明爐上，保持魚湯滾熱，魚肉質好滑，配上芹菜，檸檬絲，微微酸，更鮮美😋🌟泰式乾炒豬肉河正宗泰式河粉，肥嘟嘟，口感烟靭，加入雞蛋、瘦肉好惹味😋🌟泰式炒什菜西蘭花、芥蘭、娃娃菜，炒翠綠，好爽脆#晚餐還有糖水送，服務態度又好，又免收加一，泰正👍📍隆姐泰國美食館 (九龍城)九龍城衙前塱道2A-B號地舖

九龍城有不少泰國餐廳，朋友介紹這間「隆姐泰國菜館」，由泰國人主埋，店員能說流利的廣東話，還主動介紹我吃以下菜式，味道不錯！🔸泰式拼盤蝦餅炸至金黃酥脆，炸春卷餡料豐富鮮味十足，魚餅彈牙鮮嫩，蝦棗皮薄鮮甜彈牙。沾點酸甜醬汁，超開胃。🔸軟殼蟹泰式炒金邊河  軟殼蟹外層金黃香脆，配搭炒得香口的金邊河粉，吸滿泰式特有酸辣醬汁，Yummy。🔸泰式鹹魚炒通菜  通菜爽脆鮮嫩，鹹魚的咸香味好夾，簡單卻道地，讓人回味無窮。🔸椰青  椰青新鮮甘甜，清涼解渴，就連內裏的果肉都清甜嫩滑。

今次去咗宋王臺試泰國菜，真係好正！每樣嘢都高質，環境又舒服，服務仲好好添！ **泰式海鮮冬陰功湯（細）$95** 個冬陰功湯真係不得了！湯底香濃，酸辣度啱啱好，仲有好足料嘅海鮮——大蝦、青口、魷魚，樣樣都新鮮彈牙。飲一啖已經覺得好開胃，絕對係必點！ **泰式蒜蓉炒芥蘭$70** 芥蘭炒得夠鑊氣，蒜蓉香爆，菜又爽脆，一啲都唔老。雖然係簡單嘅小菜，但做得咁有泰式風味，抵讚！ **酸辣蒸鮮魷$178** 鮮魷蒸得剛剛好，肉質嫩滑又唔韌，酸辣汁好惹味，仲加咗啲香茅同檸檬葉，食落好清新。份量都幾足，兩個人食啱啱好！ **砵酒雞翼$88** 雞翼外皮脆卜卜，咬落去肉汁爆出，砵酒醬汁香甜得嚟唔會太濃，好入味！送啤酒或者椰青都一流！ **泰國椰青$48** 椰青超級清甜，冰凍解渴，飲完仲可以刮埋啲椰肉食，正到爆！ **最後仲有驚喜！** 食完主菜，餐廳仲會送每人一個甜品，今次係 **芋頭西米露**！超足料，芋頭煮到好綿好香，西米露又滑，甜度剛剛好，完全唔會膩，為成餐飯畫上完美句號！ **環境同服務** 餐廳裝修好有泰國風情，坐得舒服，唔會太逼。服務員態度友善，上菜速度快，仲

隆姐泰國美食館 (九龍城)九龍城衙前塱道2A-B號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：泰式拼盤 $135，香葉辣椒蝦球炒飯(加蛋) $79，芒果沙冰 $30泰式拼盤：有炸蝦餅、炸魚餅、炸春卷及泰式札肉; 炸蝦餅金黃酥脆, 入口即化; 炸魚餅鮮嫩彈牙, 香氣誘人; 炸春卷餡料豐富, 外皮酥脆; 泰式札肉焦香脆口, 別具特色, 款款好味道！😄😄😄香葉辣椒蝦球炒飯(加蛋)：蝦球鮮嫩多汁, 香葉香氣四溢, 與辣椒的刺激口感完美融合, 為炒飯增添了層次感。加入的流心荷包蛋為整道菜餚帶來了濃郁的蛋香,令人難忘！👍👍👍芒果沙冰：沙冰清涼爽口, 果味濃郁, 清新的芒果香氣中和了其他食品的油膩及辣味, 香甜解渴！😍😍😍

呢間泰菜係老字號，口味正宗，價錢唔貴又免加一。✨泰式海鮮冬陰功湯$95（小）酸酸辣辣好開胃，香茅味好重。口味比起一般餐廳辣，反而令人覺得好開胃。勁多海鮮，有蝦、青口、魷魚。✨泰式蝦春卷$85春卷餡係蝦膠+原隻鮮蝦，味道勁鮮甜。本身有跟甜辣醬，但完全唔使配任何醬汁都好食。✨鹹豬肉炒芥蘭$85好有鑊氣嘅炒菜，味道上唔會好似馬拉盞或者蝦醬咁濃，所以有得揀（不過好少地方有得食）我基本上都係揀佢。呢度嘅鹹豬肉有香脆爆皮勁香口。✨火車炒飯$65以魚露、豉油調味，簡單但正正係泰式經典口味。啲飯炒得粒粒分明，乾身唔油膩，夠晒鑊氣。✨軟殼蟹炒金邊粉單食金邊粉已經覺得好正。好濃嘅羅望子味，香香甜甜好開胃。軟殼蟹炸粉超薄，比其他地方好食得多。✨椰汁千層糕$35冇諗過咁大盤！椰香味濃郁，口感軟糯細膩，甜度適中。✨泰式凍黑咖啡$25✨凍青檸汁$28

隆姐泰國美食館當朋友想食泰國菜，大家都異口同聲話去九龍城食🤣今次就食隆姐喇，隆姐泰國美食館係九龍城有兩間分店，今次我哋去左城衙前塱道個間分店，隆姐有咩特別？隆姐嘅員工係泰國人黎嫁，不過大家放心，佢哋識聽廣東話，落單溝通完全冇問題，另一個值得一讚嘅係，佢哋嘅食材都係係泰國入貨，所以真係食到好地道嘅泰國菜嫁😍😍今次嗌左以下幾個菜式1.泰式豬頸肉🐷豬頸肉的切片表面烤得酥脆，肉質鮮嫩，再配上呢個泰式醬汁，為豬頸肉增添了層次感，無論是沾食還是淋上，都能提升整體風味。呢道泰式豬頸肉是一道值得一試👍🏻👍🏻2. 馬拉盞通菜一上枱就已經聞到好香😍 通菜的脆嫩口感在炒製後依然保留，口感亦都可以保持通菜嘅清脆咀嚼感，配料如蒜蓉和辣椒，令呢道菜增添了香氣與微微的辣味，呢道馬拉盞通菜色香味俱全😍3.泰式金邊粉一睇個顏色就知個醬汁好充足，所以食落去味道都好濃郁，帶有微微的甜味和鹹香，讓每一口都充滿層次感。金邊粉軟硬煮得恰到好處，既不過軟也不過硬，配料有蝦同雞蛋嘅加入，口感變得多樣，讓整道菜色彩斑斕。4.生菜肉碎包肉碎的調味非常到位，唔會過辣，肉碎同生菜的清脆相互融合，帶來爽口的口感。4道菜加兩杯野飲，加埋都係30

永久Blacklisted, 未食嘢已經成肚氣 門口接待個阿姐超冇禮貌 第一,行過去拎位報人數,我報五大一小 個呀姐話「報人數啊,咩五大一小啊?」唔明報五大一小有咩問題?第二,問佢要等幾多張枱,勁唔耐煩咁講「幾多張?你自己睇啦小姐」大佬,張野你負責mark 你負責寫,梗係問你啦唔係要你返工做咩啊?非常唔建議大家食

見到有間泰國菜都幾多人食，見唔使等位就入去食飯。環境都幾熱鬧，店員都好似係泰國人。首先嚟咗個冬陰功，經典嘅款式經典嘅味道，入邊有大頭鮮蝦，雜菌等等。燒雞翼🐥係最好食最正常嘅，燒到唔會太乾，有雞肉嘅鮮嫩度。豬肉碎生菜包，欣賞佢冇太多嘅香草洋蔥，最天然最正常嘅味道就已經好好食。招牌咖喱炒大蝦🍤，開邊鮮蝦有三隻，所以其實差唔多$200嘅咖喱炒蝦，冇乜肉食，咖喱味又唔係好特別，又唔香又唔辣，純粹係一個有咖喱香粉嘅芡汁送飯。豬肉咖喱大包🥘，個大包幾新鮮，食落去超鬆化，完全咬落去係即刻可以吞落肚。豬肉無味，仲要得好少，咖喱同咖喱炒蝦嘅味道完全一樣，又係唔好食。只收現金，真係對於唔帶現金嘅人好唔方便。

🚩不要走寶 九龍城泰菜推介🚩📍 隆姐泰國美食館近年啟德地段不斷發展，新商場新基建林立，令鄰近曾經興旺的九龍城好像有人流日漸減少的跡象。但如果你跟我一樣食厭了商場千篇一律的餐廳，想找一些特色小店，九龍城還是個非常值得你去尋寶的地方。這個小區一直蘊藏着許多地道泰國菜餐廳，好像一想起泰國菜就會立刻聯想到九龍城那樣。若然你來到這裡，又不知道該去哪間泰菜餐廳，今天就讓我來推介你一間我喜歡的。🍴鴨肉湯河 (午餐: $50)先要說這裏的午餐非常超值，幾乎所有的指定平日午餐都只需$50，這個鴨肉湯河當然也不例外。這裡的河粉偏粗條，所以我每次都會把它轉成較幼身的金邊粉，比較乎合個人口味。湯頭濃郁而又偏甜，我自己十分喜歡，吸滿湯汁的金邊粉更是美味得難以形容。這碗鴨肉粉的鴨肉更是量足而惹味，整體來說無懈可擊。🍴青木瓜沙律 ($60)木瓜沙律是本人經常會點的泰菜食物，這裡同樣做得出色。木瓜絲微酸又帶辣，兩者兼容得好，做前菜十分開胃。另外這裡的木瓜沙律有花生和蝦乾作伴，可以為整道菜帶來更豐富的層次和口感。個人而言特別喜歡花生的配搭。加上沙律同樣大份，所以亦是我的必食推介。

老爸眼部不適要做個小手術，感恩一切順利，探望完他過後和家人一起去九龍城食飯。沙嗲串燒 $88三串雞三串豬，燒烤焦香味濃，兩者皆不乾柴，蘸些沙嗲汁同吃對味。炸蝦餅 $78炸蝦餅新鮮炸起，熱到出煙，彈牙可口。燒雞翼 $20@雞全翼大大隻，皮脆有肉汁。軟殼蟹咖喱麵包 $238見到鄰桌點的大麵包好吸引，遂來一客。麵包烘得香脆，中間挖空放入了咖喱什菜，嚐起來像葡汁；另上的炸軟殼蟹香脆，份量實在太大，五個人都吃不完。泰式炒金邊粉炒金邊粉有鑊氣，甜甜的惹味。紫薯芋頭糖水(贈送)吃畢一頓濃味的，來點甜適合不過；雖然糖水是送贈的，但感覺毫不馬虎，好像將那用班斕葉盛載的椰汁糕變成液體狀態，不過甜好美味。另外還點了個芋頭蝦炒飯沒留影，埋單六百多，比想像中相宜，性價比不錯。

星期日family day.帶小朋友出黎玩.見好耐無食泰菜專登去九龍城食.老公之前同朋友食過覺得唔錯.所以今次老公帶咗我過嚟試吓🙌🏻食物方面：⚪️酸辣鳳爪酸酸辣辣好開胃.無骨鳳爪比較爽口.如果煮腍啲會更加入味更加好食⚪️雞肉串燒即叫即燒.熱辣辣既雞肉串燒.燒得一啲都唔乾而且好多肉汁啖啖肉配埋秘製嘅沙嗲汁好好食😋⚪️海南雞半隻睇個樣都已經好靚.肉質好滑唔鞋.配埋泰菜既酸辣汁真係好好食😋⚪️蟹肉炒飯好有鑊氣.但係飯炒到唔係粒粒分明.蟹肉都係罐頭既.相比下比較普通⚪️芒果沙冰好清甜解渴.好飲👍🏻整體方面：咁啱遇着星期日7:00晚飯時間.真係好多人等咗大概超過一個鐘八點先入座.如果想去食建議早少少六點食應該會冇咁多人.款式非常多想食嘅都有.兩個人嗌咗四個菜一個嘢飲埋單$360價錢好合理.味道都好好.性價比好高.下次同埋屋企人一齊過嚟可以試多幾款.推介🙌🏻

鍾意泰國美食嘅我每年都會食好多次泰國菜呢間係朋友介紹今晚第一次去座位舒適唔會逼炸蠔餅：超級鬆脆及size 大份， 抵食生蝦： 新鮮， 蝦肉彈牙蒜蓉包： 蒜蓉香味濃郁， 脆脆的泰式冬陰功湯： 好多秀珍菇喺入面， 同埋有幾隻大蝦， 不過鍾意食辣嘅， 就應該嫌佢唔夠辣春卷炸蝦小食拼盤： 不太油，好食本人覺得所有食物都幾好，不過美中不足就係我當晚食飯的枱， 座位在舖頭的最右手邊，然後有一個類似切菜的位置，裏面有一個中年阿姐的態度是非常差的

成日見好多人幫襯，尋晚專登偕朋友走去試。叫左咖哩軟殼蟹，肉碎包，沙嗲串燒，發現串燒肉太老，沙嗲汁咖厘汁完全唔辣仲偏甜，隆姐都只是水準一般的泰國菜，價錢又唔係特別平，埋單仲要（今時今日）只收現金，唔明點解咁多人幫襯，可能又係香港人一慣的羊群心理。

朋友聚會想食泰國嘢，一定係嚟九龍城～今次由朋友介紹呢間隆姐都係第一次嚟，都真係幾好食😍😍四個人食～1千頭埋單～每人250左右～好的又飽肚！門口都幾多人下㗎，好彩唔使排隊啱啱好有位，不過啲位置都真係幾逼夾，最值得推介就係個軟殼蟹咖喱包！！個咖喱重椰香味，另外個殼蟹都炸得好香～同埋個包係極度鬆脆，點埋啲咖喱汁係一流呢個係必食系列，冬陰功湯，豬頸肉，雜錦串燒，仲有另外一個生嘅物體我唔食嘅(Cx)唔知乜嚟，除咗嗰個我唔食嘅嘢，其他都好好味！仲有個燒魷魚，應該係炭燒魷魚筒，點埋個辣醬都好好食～再追加咗生蝦🍤食到飽！

同朋友相約喺九龍城，見到呢間泰國菜好多人，就入咗一試究竟，叫咗串燒，豬頸肉，肉碎生菜，咖喱軟殼蟹同蒜蓉包。個人認為全部都超好食，好地道，最好食係佢嘅咖喱軟殼蟹同蒜蓉包，超級夾，我哋好好彩早叫，因為之後已經賣晒。其他食物都好高質食得出真係地道泰國菜