京笹居酒屋

營業中

休息中

今日嚟到京笹居酒屋食個午餐，點解會話呢度係地道，因為呢度係由日本人一手處理，一入門口日本老闆已經用日文嚟歡迎你，感覺就好似真係去咗日本咁。自第五波疫情之後已經有一段時間無嚟，今日嚟到食lunch 好似包咗個場咁，應該係因為附近啲人都work from home晒。我自己一個坐咗入包箱，私隱度高之餘仲非常之有和式格調，環境滿分當然最滿分嘅配套一定係佢哋嘅日本店員，由入店嗰刻開始已經覺得自己好似去咗日本旅行咁，外遊嘅感覺返晒嚟今日繼續叫返我嘅至愛，三色魚生飯，叫飯佢跟一個麵豉湯俾你，飲品方面人人都會有杯足料綠茶。三色魚生飯佢俾嘅魚生係海膽，魚籽配三文魚，絕對係極上嘅刺身選擇使。咁樣一個魚生丼都只係$80，簡直係超值。順大一提正常佢嘅午市係要排隊架，所以洗唔洗排就講運氣。