京笹居酒屋

【油尖旺區】【京笹居酒屋】呢間嘢寫就寫喺海防道，但係其實海防道反而要上一層。如果沿亞士厘道行到盡，就可以直接見到佢，我就係呢個方法去呢間「京笹居酒屋」嘅。見過佢哋一段時間，覺得有啲貴，所以一直都冇幫襯過。但係而家為咗寫油尖旺區嘅餐廳畀大家睇，在所不計。張單寫咗 $23 嘅「前菜」，從來冇見過，係咪伴碟嗰啲當係，定係碟豉油當係，我都唔知，錢就收咗。第一樣有得食嘅係 $188 嘅「廚師精選壽司」七件，係廚師發辦嘅，都唔預佢會畀好高級嘅魚我，都係三文魚、魷魚、帶子嗰啲佔多，只能講水準正常啦。跟住就叫咗兩款咁啱都係 $78 嘅小食，分別係「火炙明太子」同「蔥鹽燒牛舌」，前者係我至愛，本身都係好食嘅嘢，後者就感受到廚師幾有心整，但味道都係好一般。叫多杯 $25 嘅「沖繩海鹽雪糕」，幾好食嘅。加埋一埋單 $431.2，都係遊客食返好啲。。。（地址：尖沙咀海防道32-34號寶豐大廈1樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖東 #尖沙咀 #京笹居酒屋 #前菜 #廚師精選壽司 #火炙明太子 #蔥鹽燒牛舌 #沖繩海鹽雪糕 #1am1824 #1ambackup…查看更多

📍尖沙咀京笹屹立喺香港已經有超過30年歷史，可以話係尖沙咀亞士厘道嘅重要地標之一一向都好喜歡日式居酒屋嘅氛圍，有肉有菜有酒，氣氛輕鬆，可以同朋友聚腳食嘢嘅好地方京笹係走日式和風居酒屋格局，由資深日本人主理；餐牌上亦可睇到各種日式居酒屋菜餚嘅選擇，由壽司、涮涮鍋、前菜、一品料理、蕎麥麵、燒酒等等，一應俱全，簡直係大包圍；再加上日本侍應用半咸淡廣東話幫你落單，感覺好似真係去咗日本咁，氣氛一流👍（當然可以同佢直接用日文溝通）今日就同朋友點咗以下幾道餸-日式蛋卷（原味）：簡單一道蛋卷，食得出日本風味嘅雞蛋，就好似去咗築地食玉子燒咁樣鹽麴燒黑豬五花腩：五花腩燒至焦邊，金黃香脆，再醮上美乃滋，口感一流銀鱈魚西京燒：招牌菜之一，本身都係我嘅大愛，然後再灑上檸檬汁平衡口感，亦帶點清新味道，佐酒一流👍天婦羅蕎麥麵：呢個就略為一般，不過不失總括來說，呢間居酒對我嚟講，係香港其中一間重要嘅餐廳：地點就腳，食物質素有水準，最緊要係有地道日式居酒屋氣氛，係可以一訪再訪嘅好地方…查看更多

一間日本人經營嘅居酒屋裡面大部分職員都係日本人食物質素非常高今次嗌咗個日式煲仔飯 — 鯛魚土鍋炊飯最搞笑係要自己拆魚肉再放返落啲飯度撈 四個人玩拆魚肉玩咗十分鐘😛鯛魚土鍋炊飯大 $290.00燒雞泡魚干 $128.00刺身併盤5種4片 $590,00㕑師精選壽司12件 $388.00鰻魚牛油果卷 $108.00天婦羅冷稻庭烏冬 $138註冊會員會有9折…查看更多

夜晚九點左右係尖沙咀諗唔到可以食乜，朋友醒起有呢間店可以食到十點幾，就黎試下。入座/等位：平日九點後，基本上都有位。 環境：有啲似日式咖啡室，燈光偏黃同空間感啱啱好果種。 食物： 落單嘅時候，店員有提每人最低消費係一個小食，壽司飯就唔計嘅。可以問清楚先點單。 於是就叫左芥辣八爪魚，$58。 調味調得好好，有啲辣但爽口。佢仲有果前菜，燉牛肉。 原來係收錢，$23。 哈哈，我哋以為係送嘢。 但好好食喎啲牛肉煮得好嫩又入味。 蔥醉呑拿魚腩飯，$168。唔洗講啦，啲肉咁粉嫩已經知好食。但我想讚嘅係佢啲蔥，係真係帶到呑拿魚嘅鮮味更出更濃。 佢芥末都係親手磨果隻，呢啲細位就睇得到餐廳對食材重視度。 烤和牛沙律，$138。 好靚啊果碟，佢和牛食落都好嫩滑但有油脂，配埋沙律真係啱啱好！ 炒牛腸，$88。 朋友叫的，不過見佢一個女孩子自己清哂成碟，應該味道都唔錯XD (友，見字唔好打我)自家製荔枝酒，$58。 可以自己揀加soda/on the rock/straight 都得。 味道好好飲，勁易入口，飲落唔會好大酒精味（咁叫得水果酒，就知本人唔prefer 烈或濃酒）。 結帳時店員提醒佢有果會員App, 可以download儲分同用果95折迎新優惠。 總結：佢其實有少少偏居酒屋加洋食店嘅餐廳，唔會嘈同有油煙味。三五知己係到小酌傾下計，都幾有氣氛。 店員係我地走嘅時候仲會送我地出門口，開門鞠躬，真係好日本。 價錢方面，我當呢間係尖沙咀地段嘅居酒屋，呢個價位其實唔算好貴。 …查看更多

喺youtube睇完MM同大島嘅居酒屋片🏮即刻約咗老best嚟試吓菜!! 星期六6pm去食, 入座時已經有幾枱客 (建議book定枱)一嚟到我地已經叫到成枱嘢食 上菜速度好快! 食物質素頗高😋刺身船幾新鮮 仲有日本海膽🇯🇵我地仲叫咗牛腸鍋(冇影相), 朋友話牛腸鍋就唔太正宗, 不過有種住家感覺, 都ok!另外最難得有服務咁好嘅餐廳🍴京笹係由日本人經營🇯🇵啲staff有香港+日本人, 廣東話對答ok!我哋叫咗酒飲🍺🍹staff留意到我地啲酒飲哂, 問要唔要再叫酒. 不過我地一杯就夠, staff轉頭就好細心準備咗熱茶俾我地解酒🍵依個舉動係日本居酒屋文化🏮好欣賞佢地就算嚟到香港都堅持依個做法👍🏻在場氣氛都好好🥳隔離枱有兩個小朋友, staff主動送咗兩條熊本熊毛巾仔俾佢地~好開心!會再嚟幫襯🥰…查看更多