日月堂

營業中

休息中

星期五晚同朋友嚟咗食台灣嘢，位於永興大廈入面嘅日月堂，呢間台灣餐廳好出名，雖然地點唔易搵，但一啲都冇減低佢嘅人氣。攞飛等位期間，同朋友揀定食咩先，台灣麵、便當、小食、特飲、糖水等應有盡有。⭐紅燒半筋半肉麵朋友點咗紅燒牛肉麵，哈哈，半筋半肉滿滿一碗，啲肉多到睇唔到麵條，勁誇張😆湯底鹹鹹甜甜仲大少少酸味，味道濃鬱豐富，麵條有嚼勁，牛肉炆得軟淋入味，幾好食呀。⭐麻辣餛飩拌麵自己就點咗麻辣拌麵，拌麵配的是刀削麵，同樣有嚼勁，配埋個麻辣汁好惹味。餛飩隻隻飽滿，咬落仲有湯汁添。⭐酥炸魷魚點咗份炸魷魚鬚，炸粉唔厚仲炸得好酥香添，勁好食喎😍⭐蚵仔煎台灣版嘅煎蠔餅😆加入澱粉水同蔬菜一齊煎，台式蠔餅更煙韌，有軟軟糯糯嘅口感，蠔仔鮮嫩肥美，正。⭐香芋奶茶 & ⭐黑糖珍珠鮮奶最後梗係食台灣嘢唔少得嘅台式飲品啦，叫咗個香芋奶茶同黑糖珍珠鮮奶。香芋奶茶有芋泥掛邊，芋泥香甜奶茶茶香，好睇又好飲🤤黑糖珍珠彈牙有咬口，鮮奶又香又滑，都好好飲呀。小店冇加一，人均消費百四蚊就食飽飽，抵！