影片
更多
2023-10-01
16 瀏覽
有個朋友外國返黎，想約我吹下水。原本想帶佢去試間日本燒肉，佢又話上星期先食完，又黎？於是我又諗起焱丸水產，同佢講不如試呢間啦，之前食過兩次個體驗都非常之唔錯，又坐得舒服，入到去又真係好有日本feel，無論傢俬，裝飾… 一於帶佢在香港走一趟日本的磯燒！今次我哋嚟到，打開本menu，叫左三客刺身，壽司，沙律，天婦羅，甲羅燒，磯燒帶子，一路食一路吹，唔經唔覺都坐到11點。《蟹籽蟹肉薯仔沙律》蟹籽蟹肉好鮮甜，加埋個甜酸沙律薯仔球，食落好開胃。《三文魚腩，甜蝦，帆立貝刺身》三款刺身都好新鮮，三文魚腩刺身係厚切，肥美新鮮，食完會有陣魚油香。甜蝦刺身係中Size，味道鮮甜。帆立貝刺身都係厚切，彈牙有口感。《焱丸號壽司》我望左好耐，呢碟究竟係咩黎，直到我望到塊紫菜，我先估到軍艦，對返張單應該就係焱丸號壽司。因為三文魚籽、蟹肉蟹柳、海膽、吞拿魚蓉、沙律魷魚粒係多到覆蓋左個面，不過一啖入口，又真係意想不到咁Match，大滿足感覺。《三文魚中卷》居酒屋必點卷物，六件一客，一口一件，飽肚感十足。《野菜天婦羅》野菜天婦羅有五款，外層脆漿好薄，不油膩，炸得好香口，咬落口Loklok聲，堅好食。《蟹味噌甲羅燒》甲羅
有個朋友外國返黎，想約我吹下水。原本想帶佢去試間日本燒肉，佢又話上星期先食完，又黎？於是我又諗起焱丸水產，同佢講不如試呢間啦，之前食過兩次個體驗都非常之唔錯，又坐得舒服，入到去又真係好有日本feel，無論傢俬，裝飾… 一於帶佢在香港走一趟日本的磯燒！今次我哋嚟到，打開本menu，叫左三客刺身，壽司，沙律，天婦羅，甲羅燒，磯燒帶子，一路食一路吹，唔經唔覺都坐到11點。
《蟹籽蟹肉薯仔沙律》
蟹籽蟹肉好鮮甜，加埋個甜酸沙律薯仔球，食落好開胃。
《三文魚腩，甜蝦，帆立貝刺身》
三款刺身都好新鮮，三文魚腩刺身係厚切，肥美新鮮，食完會有陣魚油香。甜蝦刺身係中Size，味道鮮甜。帆立貝刺身都係厚切，彈牙有口感。
《焱丸號壽司》
我望左好耐，呢碟究竟係咩黎，直到我望到塊紫菜，我先估到軍艦，對返張單應該就係焱丸號壽司。因為三文魚籽、蟹肉蟹柳、海膽、吞拿魚蓉、沙律魷魚粒係多到覆蓋左個面，不過一啖入口，又真係意想不到咁Match，大滿足感覺。
《三文魚中卷》
居酒屋必點卷物，六件一客，一口一件，飽肚感十足。
《野菜天婦羅》
野菜天婦羅有五款，外層脆漿好薄，不油膩，炸得好香口，咬落口Loklok聲，堅好食。
《蟹味噌甲羅燒》
甲羅燒話晒係呢間居酒屋嘅主打，每次嚟到都一定要叫！上枱之後，店員幫你燒埋，個蟹膏加埋生嘅蛋撈埋一齊，入口好香蟹味，仲要無腥味，配搭一流，我仲想order多個白飯，只可惜係我當刻太飽。
《帶子磯燒，醬油木魚帆立殼燒》
我個人建議呢兩道菜要一齊點。帶子磯燒，原汁原味，小量海鹽調味，非常鮮味，證明佢手海產真係好新鮮。至於醬油木魚帆立殼燒都係有專人幫你煮埋，帶子鮮甜，佢會加埋蕃茄、木魚，青椒，蔥，鹽一齊燒，係好Fresh，當你食完帶子磯燒，就會有個好鮮明對比。
《北海道海鮮炒飯》
有豐富嘅海鮮粒，包括帶子、魷魚、青口仔，還有蟹籽鋪面，飯身炒得夠乾身粒粒分明，口感豐富又好味！
《白桃玉露茶》
今次我無叫太多酒精飲品，只係叫左白桃玉露茶，酒精濃度同埋白桃味攞得剛剛好，夠汽又不太甜，配搭海鮮一流。
張貼
