西門町台灣麵食 (已結業)

旺角通菜街有間台式餐廳，門面有幾個紅燈籠🏮，好有傳統台灣味道。同朋友嗌左個2人套餐。A、B、C各選一款，再配兩款飯或麵。重有兩杯野飲同甜品送！嗌左肉臊飯同擔仔麵。擔仔麵上枱時重冒煙夠曬熱，有芽菜同韭菜同肉臊，麵唔會過腍。北投怪味雞肉質滑溜，啖啖肉。落左酸辣汁，食得滋味又開胃。😋五味山珍有素肉、寒天、金菇、青瓜絲、紅蘿蔔絲同木耳，全素，可以清一清腸胃同味蕾～👍🏻香芒沙拉鳳尾蝦酥脆，芒果汁酸甜開胃，可以中和油膩感。熱麥香薑母將奶同薑母混合味道有d似好立克，有奶嘅香甜同薑嘅微辣，好暖胃，飲完好舒服～🥰朋友鍾意食珍珠但飲奶茶會瞓唔著，問店員有冇珍珠加奶，店員好好推薦我地飲香芋奶茶，可以轉鮮奶。另加3蚊加珍珠。香芋鮮奶有芋香唔會太甜，珍珠煙韌唔會硬。送台式甜品(送完即止)款式不定今次係擂沙湯丸餡重熱，小心辣咀。外皮花生碎好有口感，入面芝麻又香又甜。總的來說，餐廳店員服務態度好好。座位以卡位為主，坐得舒服。