餐廳裝修使用木系風格 樓底超高 空間感超大
一入到去 女店員好有禮貌咁介紹餐牌上嘅定食
仲會溫馨提示小編要先預留甜品 因為好快售罄
呢點非常窩心 值得一讚❤️
🔖 烤三文魚幽庵燒定食
一食驚艷 連唔喜歡魚生嘅朋友都覺得好好食!
原來三文魚採用咗幽庵燒煮法😳
雖然平時少見 但係會常常出現在懷石料理中的
做法係在醃泡醬料中加入柚子原素 待魚入味後
再拿去燒 故三文魚格外幽香 油脂滿溢 但不膩口
食嘅時候半熟三文魚仍帶點微粉 肉質嫩滑
最後食牛潭尾白龍王粟米 畫一個甜美句號～
🔖 麥味噌豚汁豚角煮定食
豚汁用昆布鰹魚湯熬煮 再帶點味噌嘅咸味
配襯落五花腩肉到顯得恰到好處 整體入味又帶鮮
但至愛嘅都係沖繩黑毛豬角豚肉
以大紅袍茶葉辟膩 燉煮到入口即溶 非常驚喜😍
🔖 純素焙茶焦糖黑朱古力撻
焙茶味濃咗啲啲 加上黑朱古力嘅苦澀 小編就麻麻地( ･᷄ὢ･᷅ )
